Swivuriso 24:25 - BIBELE Mahungu Lamanene

²⁵ Kambe la nga chaviki ku tshinya vanhu vo homboloka, ú ta tsakeriwa, a kuma ni minkateko leyo tala.

Xitsonga (Bibele)

²⁵ Kambe lava n'wi holovelaka va ta tsaka, Va ta humelela hi ku kateka lokunene.

Swivuriso 24:25 Referans Kwoze

1 Timotiya 5:20

Loko ku ri ni vakulukumba lava va phikelelaka ku dyoha, va tshinye erivaleni, leswaku lavan'wana va ta chava.

Swivuriso 28:23

Loyi a nga chaviki ku tshinya van'wana, eku heteleleni, ku ta tsakeriwa yena ku tlula munhu wa marito yo tsokombela.

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

Tito 1:13

Kunene leswi a swi vuleke swi tiyile. Hikokwalaho wena u fanele ku va tshinya hi matimba, leswaku va ta va ni ku pfumela loku hanyaka,

Matewu 14:4

hikuva Yohane a a tshamela ku byela Heroda, a ku: “A wu pfumeleriwi ku tekela makwenu ensati wa yena.”

Nehemiya 13:28

Eliyaxibi, Muprista Lonkulu, a a ri ni n'wana loyi a va ku i Yoyada; kutani un'wana wa vana va Yoyada a ya a ya teka n'wana Muhoroni loyi a va ku i Sanibalati; hikokwalaho ka leswi, ndzi hlongola n'wana loyi wa Yoyada a suka eYerusalema.

Nehemiya 13:25

Kutani ndzi va holovela ni ku va rhuketela, ndzi tlhela ndzi va ba, ndzi va kokakoka hi misisi, ndzi va sindzisa ku tiboha hi ku hlambanya hi vito ra Xikwembu, ndzi ku: “Mi nga pfumeli leswaku vana va n'wina va xisati va tekiwa hi vamatiko, naswona mi nga pfumeli leswaku vana va n'wina va xinuna va teka vasati exikarhi ka vona, hambi a ri n'wina mi nga titekeli vasati exikarhi ka vanhu lava.

Nehemiya 13:17

Kutani ndzi holovela varhangeri va le Yuda ndzi ku: “Xana a mi swi voni leswaku mhaka leyi mi yi endlaka yi bihile xana? Swilo leswi swi nyamisa siku ra Savata!

1 SAMIELE 3:13

Ndzi n'wi tivisa leswaku ndzi lava ku avanyisela makumu rixaka ra yena, hikwalaho ka swidyoho swa vana va yena leswi a swi tivaka: Va vulavurile swo biha hi mina Xikwembu, kambe a nga va tshinyanga.

Levhitika 19:17

“Timbilu ta n'wina ti nga tshuki ti tala rivengo hi mhaka ya makwenu, kambe yanani mi ya vulavula na yena, mi ta ka mi nga tivangeli xidyoho.

2 Timotiya 4:2

Twarisa Rito, u hiseka hi nkarhi wa kona hambi ku nga ri hi nkarhi wa kona; khorwisa, u laya ni ku khongotela; u nga tsandzeki hi tlhelo ra ku lehisa mbilu ni le ku dyondziseni.

Swivuriso 24:26

Munhu loyi a vulavulaka ntiyiso, i munghana wa wena wa xiviri.