Swivuriso 24:24 - BIBELE Mahungu Lamanene

²⁴ Loyi a byelaka munhu wo homboloka, a ku: “A wu na nandzu”, u ta tivangela ku rhuketeriwa, vanhu lavo tala va ta n'wi venga.

Xitsonga (Bibele)

²⁴ La nge eka mudyohi: “U lulamile!” Vanhu va ta n'wi rhuketela, matiko ma ta n'wi nyenya.

Swivuriso 24:24 Referans Kwoze

Swivuriso 17:15

Loyi a yimelelaka lowo homboloka, ni loyi a lumbetaka munhu wo lulama, HOSI Xikwembu xa va venga hinkwavo.

Esaya 5:23

Va ni khombo lava pfumelaka ku xaviwa, kutani va ntshunxa la nga ni nandzu, kambe loyi a lulameke, va ala ku n'wi pfuna ehubyeni.

Swivuriso 11:26

Loyi a alaka ku xavisa mavele ya yena, ú ta rhuketeriwa hi vanhu, kasi loyi a va xaviselaka, va ta n'wi navelela minkateko.

Swivuriso 28:27

La nyikaka swisiwana, a nge pfumali swa le mandleni, kambe la alaka ku swi pfuna, vanhu va ta n'wi rhuketela ngopfu.

Ezekiele 13:22

Vanhu lava va ndzi tshembaka, mi va hetile ntamu hi mavunwa ya n'wina, kasi mina a ndzi lava ku va tiyisa nhlana. Lavo homboloka, mi yimile na vona, leswaku va nga tshiki tindlela ta vona leto biha ni leswaku va nga ponisi vutomi bya vona.

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Esaya 5:20

Va ni khombo lava tekaka swo biha va ku i swo saseka, swo saseka, va ku i swo biha; munyama va ku i ku vonakala, ku vonakala va ku i munyama, swo bava, va ku swa nandziha, swo nandziha, va ku swa bava!

Swivuriso 30:10

Hlonga, u nga tshuki u ri onha vito eka n'wini wa rona, hikuva ri nga ku rhuketela, kutani u wela enandzwini.