Swivuriso 24:16 - BIBELE Mahungu Lamanene

¹⁶ hikuva munhu la lulameke, hambiloko o wa ka 7, ú tlhela a pfuka, kambe loko khombo ri fika, lavo homboloka va khuguka va wela makumu.

Xitsonga (Bibele)

¹⁶ Hikuva la lulameke, hambi a nga wa kantlhanu na kambirhi, u ta pfuka, Kambe vadyohi loko va khunguvanyekile va wela eku biheni.

Swivuriso 24:16 Referans Kwoze

Pisalema 34:19

Munhu wo lulama u hlangana ni miringo leyo tala, kambe HOSI Xikwembu xi n'wi hlulela yona hinkwayo;

Pisalema 37:24

Loko o tshuka a wile, a nge etleleli makumu, HOSI Xikwembu xi ta n'wi khoma hi voko, xi n'wi pfuxa.

Ntirho 5:19

Hambiloko u nga wela hi makhombo layo tala ku tlula mpimo, xi ta ku ponisa eka wona, leswo biha a swi nga ku tshineleli.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Swivuriso 14:32

Munhu wo homboloka ú wisiwa hi mintirho ya yena leyo biha, kasi lowo lulama ú sirheleriwa hi mahanyelo ya yena lamanene.

Swivuriso 13:17

Murhumiwa wo biha mbilu, ú nghenisa vanhu ekhombyeni, kasi loyi a tshembekaka, ú tisa ku rhula.

Amosi 5:2

“Israele, nhwana loyi a tengeke, ú wile, a nga ka a nga ha pfuki; ú siyiwile a lo lákáhlá ehansi, ku nga ri na loyi a n'wi pfuxaka.”

Pisalema 52:5

Kambe Xikwembu xi ta ku herisela makumu, xi ta ku wisa, xi ku humesa emutini wa wena, xi ta ku tsuvula u suka etikweni ra lava hanyaka.

1 SAMIELE 26:10

Davhida a engeta a ku: “Ndza hlambanya emahlweni ka HOSI Xikwembu lexi hanyaka, ndzi ri: HOSI Xikwembu, hi xona xi nga ta lovisa Sawulo: Ku nga va loko siku ra yena ra ku fa ri ta va ri fikile, kumbe a ya fela enyimpini.

Pisalema 7:16

Manyala ya yena ma vuya hi yena, tihanyi ta yena ti tlhelela enhlokweni ya yena.

Estere 7:10

Hosi yi ku: “Hayekani yena Hamani eka tona!” Kutani va hayeka Hamani etimhandzeni leti a a ti dzimerile ku hayeka Mordekayi eka tona. Kutani vukari bya hosi byi vohla.

Timhaka 12:23

Hi nomu lo, ntsumi ya Hosi yi ba Heroda, hikuva a a nga dzunisanga Xikwembu; kutani a dyiwa hi swivungu, a fa.

Amosi 8:14

Vanhu lava hlambanyaka hi Axima, xikwembu xa xifaniso xa le Samariya, va ku: ‘Hi hlambanya hi xikwembu xa wena Dani’, ni lava va nge: ‘Hi hlambanya hi ndlela yo ya eBerexeba’, va ta wa va nga ha pfuki, ni siku ni rin'we.”

1 SAMIELE 31:4

Hiloko a lerisa mutameri wa matlhari ya yena, a ku: “Hlomula fumu ra wena, u ndzi tlhava ha rona, hikuva ndzi chava leswaku vanhu lava nga yimbangiki lava, va nga ndzi dlaya, va tlhela va tlanga hi ntsumbu wa mina.” Kambe mutameri wa matlhari a ala ku endla sweswo, hikuva a a chava ngopfu. Kavaloko Sawulo a hlomula fumu ra yena, a titlhava ha rona.

Pisalema 34:21

Munhu wo homboloka ú dlawa hi vubihi bya yena, ni lava vengaka munhu wo lulama, va ta biwa.

Pisalema 79:12

We N'wini wa hinkwaswo, leswi vaakelani va hina va ku hlekuleke, va tlherisele ka-7 leswi va ku endleke swona.

Swivuriso 6:15

Hikokwalaho, ú ta wela hi khombo a nga ehleketanga, ú ta jumiwa a wiseriwa ehansi, a nga ha pfuki.

Swivuriso 24:22

hikuva vanhu lava va ta hatla va wela ekhombyeni, naswona i mani loyi a tivaka siku leri va nga ta herisiwa ha rona, xana?

Yeremiya 8:4

HOSI Xikwembu xi ndzi rhumile ku ya byela Vaisraele marito lawa ya nge: “Loko munhu o tshuka a wile, a nge pfuki xana? Loko o tikuma a lahleke ndlela, a nge tlheleli endzhaku xana?

Yeremiya 18:17

Vanhu va mina ndzi ta va hangalasa emahlweni ka valala, ku fana ni moya wa le vuxeni loko wu hangalasa ritshuri. Enkarhini wa maxangu ndzi ta va fularhela, ndzi nga ha va languti.”

Genesa 19:35

Hiloko vusiku byebyo va tlhela va pyopyisa tata wa vona hi vhinyo, kutani nhwanyana lontsongo a ya a ya etlela na yena. Tata wa yena a nga n'wi twanga loko a nghena a etlela, ni loko a huma a famba.

Tinhlayo 32:23

Kambe loko mi nga endlisi sweswo, mi ta va mi dyoherile HOSI Xikwembu; kutani mi swi tiva leswaku mi ta xanisekela swidyoho swa n'wina.

Swivuriso 13:21

Makhombo ma wela vadyohi, kambe lavo lulama va hakeriwa hi leswinene.

Ezekiele 7:5

HOSI N'wini wa hinkwaswo ú vurisa sweswo ú ri: “Khombo lerikulu ra ta, ri le ndleleni.