Swivuriso 23:35 - BIBELE Mahungu Lamanene

³⁵ U ta ku: “Va ndzi himile, kambe a ndzi twanga ku vava, va ndzi bile, kambe a ndzi swi vonanga. Ri ta xa rini, ndzi ta ya susa babalaza!”

Xitsonga (Bibele)

³⁵ Hi kona u nga ta ku: “Va ndzi bile — a ndzi twanga ku vava; Va ndzi balesile — a ndzi twanga nchumu! Ndzi ta pfuka rini? Ndzi ta tlhela ndzi yi lava kambe!”

Swivuriso 23:35 Referans Kwoze

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Swivuriso 27:22

Xiphukuphuku, hambi u nga xi kandza ni mavele etshurini, a xi nga pfuki xi hambane ni vuphukuphuku bya xona.

Swivuriso 26:11

Mbyana yi tlhelela emahlanteni ya yona; swi tano ni xiphunta, xi nga ka xi nga tshiki ku endla swa vuphukuphuku bya xona.

2 Petro 2:22

Swi va humelele hilaha xivuriso xa ntiyiso xi vuleke hakona, loko xi te: “Mbyana yi vuyela emahlanteni ya yona.” Naswona: “Nguluve, loko yi hlantswiwile, yi tlhela yi puluvundza endzhopeni!”

Vaefesa 4:19

kutani a va ha ri na tingana; va tinyiketile emikhuveni ya manyala, va endla swa thyaka hinkwaswo, va nga koti ku tikhoma.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Esaya 22:13

Kambe ematshan'wini ya sweswo, ku vile ni ntsako, ku biwa minkulungwana, ku tlhaviwa tihomu ni tinyimpfu, ku dyiwa tinyama, ku nwiwa ni vhinyo, vanhu va ku: “A hi dyeni, hi nwa, ha ha hanya!”

Duteronoma 29:19

a nga munhu loyi, loko a twa marito ya ntwanano lowu wu tiyisiweke hi ku hlambanya, a tidzunisaka a ku: ‘Hambileswi ndzi tiarisaka, vutomi bya mina byi hlayisekile.’ Mhaka yo tano yi ta endla leswaku mi herisiwa hinkwenu, lavanene ni lavo biha.

Swivuriso 23:34

U ta twa wonge u lo papama emagandlatini ya lwandle, kumbe u lo etlela exihondzweni xa ngalava.