Swivuriso 23:3 - BIBELE Mahungu Lamanene

³ u nga naveli ngopfu swakudya leswo nandziha, hikuva swi nga ku kanganyisa.

Xitsonga (Bibele)

³ U nga naveli swakudya swa yena leswi xawulaka; I vuswa byo dyelela.

Swivuriso 23:3 Referans Kwoze

Swivuriso 23:6

U nga tshuki u dya xinkwa xa munhu wo tsonana, swakudya swa yena leswo nandziha, u nga swi naveli,

Pisalema 141:4

U nga pfumeli leswaku miehleketo ya mina yi namarhela leswo biha, ndzi nga tshuki ndzi endla leswo homboloka, kumbe ku tirhisana ni vanhu lava dyohaka; ndzi nga tshuki ndzi dya na vona eminkhubyeni.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Daniele 1:8

Daniele a a tibohile embilwini ya yena leswaku a nge pfumeli ku tinyamisa hi ku dya swakudya swo xawula leswi dyiwaka hi hosi, kumbe ku nwa vhinyo leyi nwiwaka hi yona; hikokwalaho a ya a ya kombela ndhuna ya malandza ya hosi leswaku yi n'wi pfumelela ku tshika swakudya leswi, a ta ka a nga tinyamisi hi swona.

Vaefesa 4:22

Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Daniele 1:5

Kutani hosi yi lerisa leswaku va hamba va phameriwa swakudya leswo xawula leswi na yona yi dyaka swona, va nwa ni vhinyo leyi nwiwaka hi hosi, va heta malembe manharhu va ri karhi va dyondza, kutani loko va hetile, va ta tisiwa emahlweni ka yona.