Swivuriso 23:29 - BIBELE Mahungu Lamanene

²⁹ Ku ni vanhu lava tshamelaka ku konya ni ku gomela, vanhu va vuntswaka, lava nga ku vileleni minkarhi hinkwayo, lava kumaka timbanga swi nga fanelanga, lava tshamaka va tshwukile mahlo! Xana vanhu lava, i vamani xana?

Xitsonga (Bibele)

²⁹ Makhombo i ya mani xana? “Yoo! Mina!” I swa mani? Timholovo i ta mani? Mikosi i ya mani? Vuntswaka i bya mani? I ya mani mahlo yo tshuka?

Swivuriso 23:29 Referans Kwoze

Vaefesa 5:18

Mi nga nwi vhinyo yi mi pyopya, hikuva swi vanga vundendele, kambe ematshan'wini ya sweswo mi tala Moya.

Esaya 5:22

Va ni khombo lava nga tinhenha eku nweni ka vhinyo, ni lava nga ni matimba yo sweka byalwa byo bava.

Esaya 5:11

Va ni khombo lava vindzukaka va famba va hlota byalwa lebyo bava, lava nwaka va tlhela va etlela kona, byalwa byi kondza byi va hisa.

Swivuriso 23:21

hikuva xidakwa ni munhu wa makampfu va ta hundzuka swisiwana, vurhongo byi ta va ambexa switlakati.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Swivuriso 20:1

Vhinyo ya sandzisa, byalwa byi vanga huwa, hinkwavo lava yengiwaka hi swona, a va tlharihanga.

2 SAMIELE 13:28

Kutani a lerisa malandza ya yena, a ku: “Mi xiya loko Aminoni a pyopyiwile hi vhinyo, kutani loko ndzi ku ka n'wina: ‘Tlhavani Aminoni!’, mi n'wi dlaya. Mi nga chavi, hikuva hi mina ndzi mi lerisaka. Kanyani timbilu, mi komba vunhenha bya n'wina.”

Genesa 49:12

Mahlo ya yena ma ta hatima ku tlula vhinyo, meno ya yena ma ta basa ku tlula ntswamba.

2 SAMIELE 11:13

Hi siku ra kona, Davhida a rhamba Uriya ku ya dya ni ku nwa entsindza, a endlela ku n'wi pyopyisa. Kambe hambiswiritano, madyambu ya kona, Uriya a ya andlala sangu ra yena enyangweni, a etlela, a ri ni malandza ya Davhida. A nga rhelelanga a ya emutini wa yena.

Swivuriso 23:20

U nga tshuki u tolovelana ni swidakwa, kumbe lava dyaka nyama hi makolo,

Genesa 19:33

Hi vusiku byebyo, va pyopyisa tata wa vona hi vhinyo, kutani nhwanyana lowa mativula a ya a ya etlela na tata wa yena, kambe tata wa yena a nga n'wi twanga loko a nghena a etlela ni loko a huma a famba.