Swivuriso 23:18 - BIBELE Mahungu Lamanene

¹⁸ kutani u ta vona swa nkarhi lowu taka, ku tshemba ka wena ku nge heleli empfhukeni.

Xitsonga (Bibele)

¹⁸ Hikuva leswi taka, swa ta, Ku tshemba ka wena a ku nga endliwi swahava.

Swivuriso 23:18 Referans Kwoze

Vaheveru 10:35

Hikokwalaho, mi nga heli mbilu, hikuva ku tiyisela ku ni hakelo leyikulu.

Pisalema 9:18

Vapfumari va nga ka va nga rivariwi minkarhi hinkwayo, ni ku tshemba ka swisiwana ku nga ka ku nga heleli makumu.

Yeremiya 29:11

Makungu lawa ndzi nga na wona ehenhla ka n'wina, ma tiviwa hi mina ntsena. Mina HOSI ndzi ri, makungu ya kona i ya ku mi katekisa, ku nga ri ku mi vangela makhombo; ndzi mi tshembisa leswaku ma ha ta vona minkarhi leyi taka.

Swivuriso 24:14

Tiva leswaku vutlhari byi fana ni vulombe evuton'wini bya wena: Loko u ri ni vutlhari, u nga kanakani hi leswi nga ta humelela enkarhini lowu taka, naswona ku tshemba ka wena a ku nga heleli empfhukeni.

Vafilipiya 1:20

Ku langutela ka mina ni ku tshemba ka mina, hileswaku a ndzi nga khomiwi hi tingana niswitsanana, kambe hi ku tiya ka mina ndzi nga chavi nchumu, sweswi kukota minkarhi hinkwayo, ndzi ta twarisa vukulu bya Kriste emirini wa mina, hambi hi ku hanya ka mina, hambi hi ku fa ka mina.

Swivuriso 24:20

hikuva lavo homboloka, va nge hanyi ku ya kule, ni rivoni ra vadyohi ri ta timiwa.

Pisalema 37:37

Xiyaxiya lava nga riki na xisandzu, u languta lava lulameke, u ta vona leswaku lava tisaka ku rhula, va ni vatukulu.

Luka 16:25

Kambe Abrahama a ku: ‘N'wananga, tsundzuka leswaku u kumile rifuwo evutomini bya wena, kasi Lazaro yena a a vaviseka enkarhini wolowo; kambe sweswi wa chaveleriwa haleno, kasi wena u twisiwa ku vaviseka.

Pisalema 19:11

Hi swona leswi swi ndzi tsundzuxaka, mina nandza wa wena; ku hlayisa swona swa ndzi vuyerisa swinene.

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”