Swivuriso 22:7 - BIBELE Mahungu Lamanene

⁷ Xisiwana xi ta fumiwa hi n'wankumi, ni mulombi ú ta va hlonga ra loyi a lombeke eka yena.

Xitsonga (Bibele)

⁷ Mufuwi u fuma swisiwana, Ni loyi a lombaka i hlonga ra la n'wi lombeke.

Swivuriso 22:7 Referans Kwoze

2 TIHOSI 4:1

Siku rin'wana, wansati loyi a a tekiwile hi un'wana wa vadyondzisiwa va vaprofeta, a ta ni xirilo eka Elixa, a ku: “Nuna wa mina loyi a a ri nandza wa wena, ú file. Wa n'wi tiva leswaku a a ri munhu loyi a a chava HOSI Xikwembu; hina a hi lombiwile mali, kambe n'wini wa yona ú tile a ta teka majaha ya mina mambirhi, a ma endla mahlonga ya yena.”

Swivuriso 22:16

Loyi a xanisaka xisiwana, wo xi fumisa, loyi a nyikaka van'wankumi, wo tichela vusiwana.

Swivuriso 18:23

Xisiwana xi kombela hi ku titsongahata, kambe n'wankumi ú hlamula hi ku rhandza.

Yakobo 2:6

Kambe n'wina mi sorisile xisiwana! Xana a hi vafuwi lava va mi tshikelelaka xana? Xana a hi vona lava va mi kokelaka etihubyeni xana?

Matewu 18:25

Kambe leswi munhu loyi a a pfumala xo n'wi tlherisela hi xona, n'wini wa yena a lerisa leswaku a xavisiwa, yena ni nsati ni vana ni hinkwaswo leswi a nga na swona, leswaku nandzu wu ta hela hi mukhuva wolowo.

Swivuriso 22:22

U nga tshuki u tekela xisiwana swilo swa xona hi mhaka ya leswi xi nga xisiwana, ni loko ku tengiwa timhaka, lava nga riki na nchumu, u nga va tshikeleli,

Swivuriso 14:31

Loyi a xanisaka xisiwana, ú le ku rhuketeleni ka Mutumbuluxi wa xona, kasi loyi a nga ni tintswalo eka vapfumari, ú dzunisa Muvumbi.

Yakobo 5:1

Twanani ke, n'wina lava fuweke: Mi fanele ku rila mi kolola hikwalaho ka mahlomulo lama nga ta mi humelela.

Amosi 8:6

hi ta xaviseriwa swisiwana leswi nga ni milandzu, hi xava ni vapfumari hi nxavonyana wa tintanghu, hi xavisa ni vuhumbu bya mavele!”

Amosi 8:4

Yingisani mhaka leyi, n'wina lava mi kandziyelaka swisiwana ehansi, n'wina mi herisaka vapfumari etikweni:

Amosi 4:1

“Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’

Esaya 24:2

Hinkwavo va ta wela hi khombo rin'we: Vaprista ni vanhu ntsena, mahlonga ni vini va wona, vasati va swifumi ni malandza ya vona ya xisati, vaxavisi ni vaxavi, valombisi ni valombi, van'wankumi ni swisiwana.

Yakobo 5:4

Vonani, hakelo ya vatirhi lava tshoveleke masimu ya n'wina, leyi mi nga va dyelela hi vuxisi, ya huwelela; naswona swirilo swa vatshoveri swi fikile etindleveni ta Hosi ya matimba hinkwawo.

Amosi 2:6

HOSI yi vurisa sweswo yi ri: “Ndzi nga ka ndzi nga tshiki ku ba vanhu va le Israele, hikuva va dyoha va vuyelela-vuyelela: Va kumile mali hi ku xavisa vanhu lava lulameke, va xavisile ni swisiwana hi nxavonyana wa tintanghu.