Swivuriso 22:23 - BIBELE Mahungu Lamanene

²³ hikuva HOSI Xikwembu xi ta va lwela, kutani xi herisa vutomi bya lava va va xanisaka.

Xitsonga (Bibele)

²³ Hikuva Yehovha u ta va lamulela, Lava va dyeke u ta va tekela vutomi.

Swivuriso 22:23 Referans Kwoze

Pisalema 140:12

Ndza swi tiva leswaku HOSI Xikwembu xi yima ni lava xanisiwaka, xi avanyisela swisiwana timhaka ta swona hi ndlela yo lulama.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Swivuriso 23:11

hikuva Mulweri wa swona ú ni matimba, ú ta yima na swona, a swi lwela.

Yeremiya 51:36

HOSI Xikwembu xi hlamula xi ku: “Yingisani! Ndzi ta mi lwela, ndzi rihiseta leswi va le Babilona va mi endleke swona: Ndzi ta phyisa milambu ya vona ni swihlovo swa vona.

1 SAMIELE 25:39

Loko Davhida a twa leswaku Nabala ú lovile, a ku: “A ku nkhensiwe HOSI Xikwembu lexi yimeke na mina, emhakeni ya ku rhuketeriwa ka mina hi Nabala. HOSI Xikwembu xi ndzi siverile ku endla leswo biha, mina nandza wa xona, xi bile Nabala hi xoxe hikwalaho ka mintirho ya yena leyo biha.” Kutani Davhida a rhuma vanhu va ya gangisa Abigayele, leswaku a va nsati wa yena.

Pisalema 35:10

Ndzi ta vula hi mbilu ya mina hinkwayo, ndzi ku: A ku na la fanaka na wena we HOSI, hikuva u kutsula swisiwana eka lava va swi xanisaka, u lwela vapfumari eka lava va va tekelaka swa vona.

Pisalema 43:1

We Xikwembu, ndzi avanyisele mhaka ya mina, u ndzi lwela eka vanhu lava nga khongeriki; ndzi lamulele eka vanhu lavo homboloka, lava kanganyisaka.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Mikiya 7:9

Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Yeremiya 50:34

Kambe mukutsuri wa vona a nga tsekatseki, yena la vuriwaka HOSI ya matimba hinkwawo. Ú ta yima na vona a va lwela, leswaku tiko ra vona ri kuma ku rhula, kambe ú ta pfuxa mikitsikitsi exikarhi ka va le Babilona.”

Habakuku 2:8

Leswi mi hlaseleke vaaki va matiko layo tala, hinkwavo lava saleke, hi vona lava nga ta mi hlasela, hikwalaho ka vanhu lava mi halateke ngati ya vona, kumbe hi mhaka ya leswi mi xaniseke matiko, ni miti, ku katsa ni vaaki hinkwavo va yona.

Esaya 33:1

U ni khombo, wena la hlaselaka van'wana, kambe u nga hlaseriwi hi munhu, wena la kanganyisaka van'wana, kambe u nga kanganyisiwi hi munhu! Loko u hetile ku hlasela van'wana, va ta ku hlasela na wena, ni loko u hetile ku kanganyisa van'wana, va ta ku kanganyisa na wena.

Pisalema 68:5

Tata wa lava pfumalaka vatswari ni musirheleli wa tinoni, i Xikwembu lexi tshamaka exivandleni lexo hlawuleka.

Pisalema 35:1

We HOSI, hlasela lava va ndzi hlaselaka, u lwa ni lava lwaka na mina.

1 SAMIELE 24:12

HOSI Xikwembu a xi kombe loyi a nga mudyohi exikarhi ka mina na wena; a xi ve xona lexi xi ndzi rihiselaka eka wena, hikuva mina ndzi nga ka ndzi nga ku khumbi.

1 SAMIELE 24:15

HOSI Xikwembu a xi hi avanyise, xi komba loyi a nga mudyohi exikarhi ka mina na wena. A xi kambisise mhaka ya mina, xi yi tsema, xi ndzi kutsula emavokweni ya wena.”

Eksoda 22:22

Mi nga tshuki mi xanisa noni kumbe n'wana loyi a nga feriwa hi vatswari.

Eksoda 22:23

Loko mo va xanisa, kutani va ta va ta rila eka mina, ku rila ka vona ndzi ta ku twa hakunene;

Pisalema 12:6

Marito ya HOSI ma tengile, ma fana ni silivhere leyi tengisiweke hi ku swekiwa ka 7 embiteni leyi celeriweke ehansi.

Pisalema 103:6

HOSI Xikwembu xi lwela hinkwavo lava xanisiwaka, xa va sirhelela.

Pisalema 140:13

Ina, lavo lulama va ta twarisa vito ra wena, va ta tshama na wena minkarhi hinkwayo.

Swivuriso 21:7

Lavo homboloka va herisiwa hi mintirho ya vona ya tihanyi, hikuva va ala ku endla leswi lulameke.

Yeremiya 30:16

Hambiswiritano, hinkwavo lava va ku hlaselaka, ndzi ta va hlasela na vona, valala va wena hinkwavo va ta yisiwa evukhumbini; lava phanghaka swilo swa wena, ni swa vona swi ta phanghiwa, hinkwavo lava va ku tekelaka swa wena, na vona va ta tekeriwa swa vona.