Swivuriso 22:18 - BIBELE Mahungu Lamanene

¹⁸ loko u swi veka embilwini ya wena, ni loko swi tshama swi ri enon'weni wa wena, u ta va ni ntsako lowukulu.

Xitsonga (Bibele)

¹⁸ Hikuva swi sasekile loko u swi hlayisa embilwini ya wena, Hinkwaswo swi tshama swi ri emilon'wini ya wena.

Swivuriso 22:18 Referans Kwoze

Yeremiya 15:16

Siku ndzi kumeke marito ya wena, ma hundzukile swakudya swa mina ma ndzi tsakisa; ndzi ma tsakerile hi mbilu hinkwayo, hikuva ndzi vuriwa munhu wa wena. We HOSI, Xikwembu xa matimba hinkwawo,

Swivuriso 2:10

kutani vutlhari byi ta ku letela, u tsakisiwa hi vutivi;

Swivuriso 15:7

Loko munhu wo tlhariha a vulavula, ú haxa vutivi, kasi emiehleketweni ya swiphunta a ku humi nchumu!

Swivuriso 10:21

Leswi humaka enon'wini wa munhu wo lulama i swakudya swa lavo tala, kambe swiphukuphuku swi ticelela masirha hi ku ka swi nga ehleketi.

Swivuriso 8:6

Yingisani, hikuva ndzi ni mhaka ya ntikelo, leswi ndzi nga ta swi vula, swi tiyile.

Pisalema 119:103

Marito ya wena a hi ku nandziha ka wona, ma tsokombela ku tlula ni vulombe enon'weni wa mina.

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Yohane 7:38

Hilaha Tsalwa ri vuleke hakona, ‘milambu ya mati lama hanyaka yi ta khuluka yi huma embilwini ya loyi a pfumelaka eka mina.’ ”

Swivuriso 25:11

Marito lama vulavuriwaka enkarhini lowu faneleke, ma fana ni maapula ya nsuku exibyeni xa silivhere.

Swivuriso 16:21

Munhu loyi a tlhariheke, u ta vuriwa “la twisisaka”; hi ku tsokombela ka marito ya yena, ú kota ku khorwisa vanhu.

Swivuriso 10:13

Enon'wini wa la twisisaka, ku huma marito ya vutlhari, kambe la nga ehleketiki swinene, wo fanela hi nkhavi.

Swivuriso 3:17

Tindlela ta byona ta tsakisa swinene, mabudula ya byona i ku rhula ntsena.

Pisalema 119:171

Ndzi ta ku tlangela hi nomo wa mina, hikuva u ndzi dyondzisa milawu ya wena.

Pisalema 119:162

Ndzi tsakela switshembiso swa wena, ku fana ni munhu la kumaka rifuwo lero tala.

Pisalema 119:111

Switsundzuxo swa wena, ndza swi amukela minkarhi hinkwayo, hi swona swi ndzi tsakisaka.

Pisalema 119:13

Minkarhi hinkwayo, ndzi lava ku byela van'wana hinkwaswo leswi u swi boheke loko u vulavula.

Pisalema 19:10

swi navetisa ku tlula ni nsuku, hambi wu ri lowo tala, lowu tengeke; swi tsokombela ku tlula ni vulombe, hambi byi ri lebyi tshonaka exihlengeni.

Malakiya 2:7

Hakunene ntirho wa muprista i ku dyondzisa vanhu ku tiva mina Xikwembu; vanhu va fanele ku ya kuma milawu eka yena, hikuva i murhumiwa wa mina HOSI ya matimba hinkwawo.

Swivuriso 22:19

Ndzi lava leswaku u tshemba HOSI Xikwembu, hikokwalaho namuntlha ndzi ku dyondzisaka wena hi xiviri.

Swivuriso 4:20

N'wananga, rhiya ndleve u twa marito ya mina, yingisa leswi ndzi ku byelaka swona,

Swivuriso 4:21

u nga swi tshiki swi wela ehansi, swi hlayise embilini ya wena,