Swivuriso 21:9 - BIBELE Mahungu Lamanene

⁹ Ku tshama elwangwini ra yindlu, swa antswa, ku ri na ku tshama endzeni ka yona, ni nsati wo kariha.

Xitsonga (Bibele)

⁹ Ku tiakela emafulelweni ya yindlu, Swi tlula ku tshama endlwini leyikulu ni nsati wa ku leva.

Swivuriso 21:9 Referans Kwoze

Swivuriso 19:13

N'wana wo tiarisa, ú nghenisa tata wakwe etimhakeni; ku va ni nsati wo kariha, i ku tshama ndlwini yo pfuta yi nga yimi.

Swivuriso 25:24

Ku tshama elwangwini ra yindlu, swa antswa, ku ri na ku tshama endzeni ka yona, ni nsati wo kariha.

Swivuriso 21:19

Ku tshama emananga u ri wexe, swa antswa, ku ri ni ku tshama ni nsati wo kariha, wa madzolonga.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Swivuriso 15:17

Ku dya miroho ni lava va ku rhandzaka, swi tlula ku dya nyama yo nona ni lava va ku vengaka.

Swivuriso 17:1

Ku dya rikoko ra xilondza laha ku nga ni ku rhula, swi tlula ku dya mafehlefehle emutini wa madzolonga.

Swivuriso 21:8

Xigevenga xi ni mahanyelo layo biha, kasi munhu loyi a pfumalaka xisandzu, ú hanya hi ndlela leyinene.

Swivuriso 21:10

Munhu wo homboloka ú navela leswo biha ntsena, ni vaakelani va yena, a nga va languti hi tihlo lerinene.