Swivuriso 21:6 - BIBELE Mahungu Lamanene

⁶ Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Xitsonga (Bibele)

⁶ Ku tihlengeletela rifuwo hi ririmi ro hemba, I hunguva leyi hangalakaka ya vanhu lava tsutsumaka eku feni.

Swivuriso 21:6 Referans Kwoze

Swivuriso 13:11

Rifuwo leri kumiwaka hi siku rin'we, a ri hlweli ku dzudzeka, kasi leri taka hi kutsongo-tsongo, ra khomelela.

Swivuriso 10:2

Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.

Swivuriso 20:21

Ndzhaka leyi u yi vutlaka kunene, eku heteleleni yi nge ku tiseli minkateko.

Yeremiya 17:11

Munhu loyi a kumaka rifuwo hi ndlela yo homboloka, ú fana ni n'hwari leyi fukamelaka matandza lama nga riki ya yona; rifuwo ra kona a ri nga hlweli ku dzudzeka, eku heteleleni ú ta hundzuka xiphukuphuku.

Swivuriso 8:36

kambe loyi a nga ndzi kumiki, wo tivavisa, hinkwavo lava va ndzi vengaka, vo lava rifu.”

Swivuriso 30:8

Vuxisi ni mavunwa, ndzi hambanyise na swona; vusiwana hambi rifuwo, u nga ndzi nyiki, ndzi phamele ntsena swakudya leswi swi ndzi ringanaka,

Swivuriso 22:8

Loyi a byalaka moya lowo biha, ú ta tshovela makhombo ntsena, nkhavi lowu a baka vanhu ha wona, wu ta n'wi tshovekela.

2 Petro 2:3

Kutani, hikwalaho ka makwanga ya vona, va ta mi dyelela hi marito ya vona ya vuxisi. Ku sukela khale, ku avanyisiwa ka vona a ku yimanga, ni ku lova ka vona a ku etlelanga.

Swivuriso 20:14

Muxavi ú ri: “U ndzi dlele, a swi xaveki!” kambe loko a suka kwalaho, ú sungula ku tibuma.

Tito 1:11

Swa fanela leswaku volavo va miyetiwa, hikuva va kokela kule vanhu hinkwavo va mindyangu yin'wana, va dyondzisa leswi va nga fanelangiki ku swi dyondzisa, hi ku navela rifuwo ro homboloka.

Ezekiele 18:31

Swidyoho hinkwaswo leswi a mi hanya eka swona, swi cukumeteni kule na n'wina, kutani mi tilavela mianakanyo leyintshwa ni moya lowuntshwa! Xana mi susumetiwa ha yini ku tivangela rifu n'wina Vaisraele xana?