Swivuriso 21:27 - BIBELE Mahungu Lamanene

²⁷ Magandzelo ya munhu wo homboloka, HOSI Xikwembu xa ma venga, ngopfu-ngopfu loko a ma humesa a ri ni xikongomelo xo biha.

Xitsonga (Bibele)

²⁷ Magandzelo ya lavo biha i manyala, Ngopfu loko va gandzela hi makungu layo biha.

Swivuriso 21:27 Referans Kwoze

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Eklesiasta 5:1

Loko u kongoma eTempeleni, u fanele ku tivonela swinene; xikongomelo xa wena a ku ve ku yingisa ntsena, ku nga ri ku humesa magandzelo kukota swiphunta, hikuva swona a swi tivi nchumu, loko ku nga ri ku dyoha ntsena.

Tinhlayo 16:15

Muxe a hlundzuka swinene, kutani a ku ka HOSI Xikwembu: “Magandzelo ya vona, u nga ma amukeri. Mina a ndzi tekanga nchumu xa vona, hambi xi ri xikukwana xinene, naswona a ndzi si khunguvanyisa ni un'we wa vona!”

Swivuriso 7:14

“A ndzi boheka ku humesa magandzelo, kutani namuntlha ndzi hetisile leswi ndzi tshembiseke swona.