Swivuriso 21:24 - BIBELE Mahungu Lamanene

²⁴ Munhu wa manyunyu, loyi a tikurisaka ngopfu ni ku langutela van'wana ehansi, ú vuriwa “musandzi”.

Xitsonga (Bibele)

²⁴ Musandzi i vito ra munhu la tikukumuxaka ni wa manyunyu; U endla hinkwaswo hi ku kariha ni ku tikurisa.

Swivuriso 21:24 Referans Kwoze

Pisalema 1:1

Ku katekile munhu loyi a nga amukeriki makungu ya lavo homboloka, loyi a nga landziki mikhuva ya vadyohi, loyi a nga dzumbiki ni lava sandzaka Xikwembu,

Swivuriso 19:29

Vasandzi va yimeriwile hi ku avanyisiwa, swiphunta swi nge poni, swi ta biwa.

Swivuriso 18:12

Munhu wo tikukumuxa, ú helela ekhombyeni; rhanga u titsongahata, hi kona u nga ta dzunisiwa.

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Yeremiya 48:29

Hi ti twile ta manyunyu ya Vamowabu: I vanhu vo tikurisa ngopfu, lava tikukumuxaka, va sandza van'wana ni ku va langutela hansi.

Esaya 16:6

Hi ti twile ta manyunyu ya Vamowabu, ni ku tikurisa ka vona; i vanhu vo titshemba ngopfu, lava tikukumuxaka, va nga vuli nchumu hi vanhu van'wana; kambe vo tibumabumela mahala!

Swivuriso 16:18

Ku tikurisa, swi vitana khombo, manyunyu ma vangela munhu ku wa.

Swivuriso 6:17

Munhu loyi a tikurisaka, ni loyi a vulavulaka mavunwa, ni loyi a halataka ngati mahala,

Swivuriso 3:34

lava sandzaka, xa va sandza, kambe xi tsakela lava titsongahataka.

Swivuriso 24:9

makungu ya xiphukuphuku i ku dyoha ntsena, musandzi, vanhu va n'wi venga.

Esaya 29:20

Vanhu va tihanyi va ta nyamalala, ni vasandzi a va nga ha vi kona, lava va tshamaka va tiyimisele leswo biha, va ta herisiwa hinkwavo, va ku bì!

Habakuku 2:5

La tidzunisaka, hakunene wa xisa; munhu wo tikukumuxa a nge tshamiseki. Makwanga ya yena ma ahlamile tanihi xivandla xa vafi. Ú fana ni rifu: A nga xurhi! Ú tihlengeletela vanhu va matiko hinkwawo, a khayima va tinxaka hinkwato, a vuya na vona ekaya.”