Swivuriso 21:21 - BIBELE Mahungu Lamanene

²¹ Munhu wa tintswalo la tikarhatelaka leswo lulama, ú ta kuma vutomi, ni ku dzuneka, a endleriwa leswo lulama.

Xitsonga (Bibele)

²¹ La tsutsumelaka ku lulama ni tintswalo, U ta kuma vutomi, ni ku lulama, ni ku twala.

Swivuriso 21:21 Referans Kwoze

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Swivuriso 22:4

Titsongahate, u chava HOSI Xikwembu, kutani u ta kuma rifuwo, ni ku dzuneka, ni vutomi.

Vaheveru 12:14

Ringetani hi matimba ku hanya hi ku rhula ni vanhu hinkwavo, mi ringeta ni ku hlawuleka, hikuva ehandle ka ku hlawuleka a ku na munhu na un'we la nga ta vona Hosi.

1 Timotiya 6:11

Kambe loko a ri wena, munhu wa Xikwembu, fambela kule ni swilo leswi hinkwaswo. Kongoma ku lulama, ni vukhongeri, ni ku pfumela, ni rirhandzu, ni ku tiyisela, ni musa.

Swivuriso 15:9

HOSI Xikwembu xi venga mikhuva ya munhu lowo homboloka, kasi munhu loyi a tikarhatelaka leswo lulama, xa n'wi rhandza.

2 Timotiya 2:22

Chava ku hluriwa hi ku navela loku telaka lavantshwa, u kongoma ku lulama, ni ku pfumela, ni rirhandzu, ni ku rhula, swin'we ni lava khongelaka Hosi hi timbilu leti tengeke.

Esaya 51:1

HOSI Xikwembu xi ri: “Rhiyani ndleve mi ndzi yingisa, n'wina mi tsakelaka leswo lulama, ndzi vula n'wina mi ndzi lavaka mina HOSI. Tsundzukani tambha leri mi kovotliweke mi huma eka rona, ni xintshabyana lexi mi ceriweke eka xona.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

Varhoma 14:19

Loko swi ri tano ke, a hi laveni leswi hi pfunaka ku hanya hi ku rhula, ni ku akisana.

1 Vatesalonika 5:21

kambe kambisisani hinkwaswo, mi tiya eka leswinene.

Vafilipiya 3:12

A ndzi vuli leswaku ndzi swi kumile sweswo, kumbe leswaku ndzi hetisekile, e-e; kambe ndzi ringeta ku tikarhata leswaku ndzi swi kuma swi va swa mina, hikuva Kriste Yesu ú ndzi kumile a ndzi endla wa yena.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

Swivuriso 3:22

hi swona swi nga ta ku hanyisa, swi sasekisa vutomi bya wena;

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Swivuriso 10:16

Hakelo ya munhu la lulameke i vutomi, kasi lowo homboloka ú dya mihandzu ya xidyoho.

Swivuriso 11:19

Loyi a tiyiselaka eku lulameni, ú ta hanya, kambe loyi a landzelelaka leswo biha, ú ya eku loveni.