Swivuriso 21:20 - BIBELE Mahungu Lamanene

²⁰ Mafurha ni xuma lexinene, swi kumeka emutini wa munhu wo tlhariha, kasi xiphunta xi hatla xi dya, xi heta.

Xitsonga (Bibele)

²⁰ Vukosi byo naveta ni mafurha swi le ndlwini ya la tlhariheke, Kambe xihunguki xi swi mita ntsena.

Swivuriso 21:20 Referans Kwoze

Pisalema 112:3

Emutini wa yena ku ni ndzalo ni rifuwo, a nga tshiki ku hanana.

Eklesiasta 5:19

Xikwembu xi nga nyika munhu loyi rifuwo lero tala, xi n'wi pfumelela ku ri tirhisa, a nkhensa leswi a averiweke swona, a dya mihandzu ya ku tikarhata ka yena; hinkwaswo leswi, ú lo nyikiwa hi Xikwembu.

Eklesiasta 7:11

Vutlhari byi ni risima ku fana ni ndzhaka, byi pfuna hinkwavo lava hanyaka emisaveni.

Swivuriso 15:6

Emutini wa lowo lulama, ku ni rifuwo lero tala, kasi xuma xa lowo homboloka xa hangalasiwa.

Swivuriso 10:22

Minkateko ya HOSI Xikwembu yi fumisa vanhu, ku tikarhata ka munhu ku nga ka ku nga yi engeteli.

Luka 16:1

Yesu a ku ka vadyondzisiwa va yena: “A ku ri ni mufumi loyi a a ri ni mulanguteri. Kutani mulanguteri loyi, vanhu a va hamba va n'wi hleva eka n'wini wa yena, va ku: ‘Wa hangalasa xuma xa wena.’

Luka 15:14

Loko a dyile hinkwaswo, ku wa ndlala leyikulu etikweni rero, kutani a sungula ku pfumala.

Pisalema 23:5

U ndzi endlela nkhuvo valala va mina va langutile; u ndzi chela mafurha yo nun'hwela enhlokweni, ni ndzheko wa mina wa khapa.

Luka 6:45

Munhu lonene ú humesa leswinene exumeni lexinene xa mbilu ya yena, ni munhu lowo biha ú humesa leswo biha exumeni lexo biha xa mbilu ya yena, hikuva nomo wa munhu wu vula leswi mbilu ya yena yi teleke swona.

Matewu 25:8

Lavo rivala va ku ka lavo tlhariha: ‘Hi cheleleni mafurhanyana, hikuva timboni ta hina ta timeka.’

Yeremiya 41:8

ku sala vavanuna va khume ntsena; vona va khongela Iximaele va ku: “U nga hi dlayi, hikuva hi ni koroni ni mavele ya maxalana ni mafurha ni vulombe; swilo leswi, hi swi tumbetile enhoveni.” Kutani vanhu lava va ponisa sweswo, va nga dlayiwi kun'we ni lavan'wana.

Eklesiasta 10:19

Swakudya swa nandziha, ni vhinyo yi tsakisa mbilu, kambe hinkwaswo swi kumiwa hi mali!

Ntirho 20:18

Mihandzu ya ku tikarhata ka yena, a nge yi dyi. a nge tiphini hi ntswalo wa bindzu ra yena,

Ntirho 20:15

Ú mita rifuwo, a tlhela a ri hlanta, Xikwembu xi ri humesa endzeni ka yena.

Swivuriso 8:21

Ndzi fumisa lava va ndzi rhandzaka, ndzi tata vuhlayiselo bya xuma xa vona.”

Swivuriso 14:24

Rifuwo i harhi ya vuhosi enhlokweni ya lowo tlhariha, kasi xiphukuphuku xi bomba hi vuphukuphuku bya xona.

Swivuriso 22:4

Titsongahate, u chava HOSI Xikwembu, kutani u ta kuma rifuwo, ni ku dzuneka, ni vutomi.