Swivuriso 21:19 - BIBELE Mahungu Lamanene

¹⁹ Ku tshama emananga u ri wexe, swa antswa, ku ri ni ku tshama ni nsati wo kariha, wa madzolonga.

Xitsonga (Bibele)

¹⁹ Ku tiakela emananga, Swi tlula ku tshama ni nsati wa timholovo ni wa ku kariha.

Swivuriso 21:19 Referans Kwoze

Swivuriso 21:9

Ku tshama elwangwini ra yindlu, swa antswa, ku ri na ku tshama endzeni ka yona, ni nsati wo kariha.

Yeremiya 9:2

Loko a ndzo va ni ntsonga le mananga, a ndzi ta ya tshama ka wona kule ni varikwerhu, ndzi hambana na vona, hikuva a ku na loyi a tshembekaka exikarhi ka vona, hinkwavo i vakanganyisi.

Swivuriso 19:13

N'wana wo tiarisa, ú nghenisa tata wakwe etimhakeni; ku va ni nsati wo kariha, i ku tshama ndlwini yo pfuta yi nga yimi.

Swivuriso 27:15

Ku va ni nsati wo kariha, swi fana ni ku tshama endlwini yo pfuta ngopfu loko mpfula yi na;

Swivuriso 30:23

ni loko wansati wo ka a nga rhandzeki a kuma vukati, ni loko nandza wa xisati a teka ndhawu ya nkosikazi.