Swivuriso 21:14 - BIBELE Mahungu Lamanene

¹⁴ Loko munhu a karihile, n'wi rhulise mbilu hi ku n'wi nyika nyiko exihundleni; loko a hlundzukile ngopfu, rheleta vukari bya yena hi nyiko.

Xitsonga (Bibele)

¹⁴ Ku nyika ka le xihundleni ku rheleta vukari, Ni nyiko leyi nghenisiweke exifuveni yi rheleta ku hlunama lokukulu.

Swivuriso 21:14 Referans Kwoze

Swivuriso 18:16

Loyi a nga ni swa le mandleni, wa tsakeriwa, hambi va ri lava mavito, va n'wi amukela.

Swivuriso 19:6

Vanhu vo tala va rhandza ku tsakeriwa hi lava va nga ni swa le mandleni, un'wana ni un'wana ú lava ku va munghana wa loyi a hananaka.

Swivuriso 17:8

Van'wana va ehleketa leswaku mali yo pfala nomo i xitshungulo, va tshemba leswaku va ta humelela hinkwako lomu va yaka kona.

Swivuriso 17:23

Munhu wo homboloka, ú pfumela ku xaviwa exihundleni, kutani a nga ha avanyisi hi ku lulama.

1 SAMIELE 25:35

Kavaloko Davhida a amukela leswi Abigayele a nga n'wi tisela swona, kutani a ku ka yena: “Tlhandlukela ekaya ka wena hi ku rhula; waswivo, ndzi amukerile xikombelo xa wena, ndzi ku tsetselela.”

Genesa 43:11

Kutani tata wa vona Yakobo a ku ka vona: “Hiswona, leswi timhaka ti yimeke hi ndlela leyi, endlani leswi: Longani swilo swo saseka leswi kumekaka kwala tikweni, mi rhwala mi famba na swona, mi ya nyika nkulukumba luya. Tekani mirhi ya nkoka ni ya risuna ya tinxaka-xaka, ni vulombenyana, ni mihandzu ya murhi wa alimondi.

Genesa 32:20

Mi tlhela mi ku: ‘Yakobo nandza wa wena wa karhi wa ta.’ ” Yakobo a a ehleketa leswaku u ta tsakisa Esawu hi tinyiko leti a a ti rhangisile, kutani yena hi xiviri ú ta ya vonana na Esawu endzhaku, hikuva a a ku: “Kumbexana ú ta ndzi amukela.”