Swivuriso 21:13 - BIBELE Mahungu Lamanene

¹³ Loyi a alaka ku yingisa swirilo swa swisiwana, na yena a nge yingisiwi, siku a nga ta lava ku pfuniwa.

Xitsonga (Bibele)

¹³ La tisivaka tindleve leswaku a nga twi mikosi ya swisiwana, U ta rila na yena, kambe a nga ka a nga tsundzukiwi hi munhu.

Swivuriso 21:13 Referans Kwoze

Swivuriso 28:27

La nyikaka swisiwana, a nge pfumali swa le mandleni, kambe la alaka ku swi pfuna, vanhu va ta n'wi rhuketela ngopfu.

Matewu 6:14

“Loko mi rivalela vanhu swidyoho swa vona, Tata wa n'wina wa le tilweni ú ta mi rivalela na n'wina;

Swivuriso 1:28

“Va ta ndzi huwelela, kambe a ndzi nga pfumeli, va ta ndzi lava hinkwako, kambe a va nga ndzi kumi.

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Pisalema 58:4

Va ni vuxungu ku fana ni nyoka, va fana ni mhiri yo fa tindleve,

Pisalema 18:41

Va tlhava mukhosi, kambe a ku na loyi a va lamulelaka; va huwelela eka HOSI, kambe a yi va hlamuli.

Timhaka 7:57

Kambe vona va huwelela hi rito leri tlakukeke, va tisiva tindleve, kutani hinwavo va n'wi wela henhla xikan'we.

Nehemiya 5:13

Kutani ndzi dzudza xinkwamana xa mina xi wela hansi, ndzi ku: “Xikwembu a xi dzudze munhu un'wana ni un'wana a huma endlwini ya yena ni le ntirhweni wa yena, loko a nga hetisisi xitshembiso lexi; a a dzudziwe a sala a nga ha ri na nchumu.” Kutani ntshungu hinkwawo wu ku “Amen!” wu dzunisa HOSI Xikwembu. Vanhu va endlile hilaha va tshembiseke hakona.

Luka 13:25

Loko n'wini wa muti a pfuka, a ya pfala nyangwa, n'wina mi nga yima le handle, mi ta sungula ku gongondza, mi ku: ‘Hosi, hi pfulele!’ Kambe ú ta mi hlamula a ku: ‘A ndzi tivi leswaku mi huma kwihi.’

1 Yohane 3:17

Kambe loko munhu a ri ni swilo swa misava leyi, kutani a vona makwavo a ri eku pfumaleni, kambe a nonon'hwisa mbilu ya yena a nga n'wi pfuni, xana rirhandzu ro rhandza Xikwembu ri nga tshamisisa ku yini eka yena xana?

Ntirho 29:12

hikuva a ndzi pfuna swisiwana leswi rilaka, ndzi pfuna ni lava pfumalaka vatswari kumbe vahlayisi.