Swivuriso 21:1 - BIBELE Mahungu Lamanene

¹ Mbilu ya hosi i xinambyana xa mati lexi fambisiwaka hi HOSI Xikwembu, xi yi jikisela hinkwako lomu xi ku rhandzaka.

Xitsonga (Bibele)

¹ Mbilu ya hosi i xinambyana xa mati evokweni ra Yehovha, U yi fambisa hinkwako laha a rhandzaka kona.

Swivuriso 21:1 Referans Kwoze

Swivuriso 16:9

Munhu a nga endla makungu ya lomu a yaka kona, kambe HOSI Xikwembu hi xona xi nga ta n'wi komba ndlela.

Swivuriso 20:24

HOSI Xikwembu hi xona xi kombaka munhu endlela, hikuva yena a nga ku tivisa ku yini lomu a yaka kona xana?

Ezra 6:22

Va endlile ni nkhuvo wa xinkwa lexo-ke-comela lowu heteke masiku ya 7, va wu dya va tsakile, hikuva HOSI Xikwembu a xi va katekisile, xi endla ni leswaku hosi ya Asiriya yi va tsakela, yi va pfuna entirhweni wa ku aka yindlu ya Xikwembu xa Israele.

Timhaka 7:10

xi n'wi kutsula emahlomulweni ya yena hinkwawo; xi n'wi nyika ku tsakisa Faro hosi ya Egipta ni ku tlhariha emahlweni ka yena; kutani hosi yi n'wi veka mufumi wa Egipta ni wa yindlu ya yona hinkwayo.

Swivuriso 16:1

Munhu a nga endla makungu, kambe HOSI Xikwembu hi xona lexi nga ni rito ro hetelela.

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Pisalema 106:46

Xi endlile leswaku hinkwavo lava yiseke Vaisraele evukhumbini, va sungula ku va twela vusiwana.

Esaya 43:19

Vonani, ndzi le ku endleni ka leswintshwa, swa karhi swa humelela, a mi swi voni xana? Ndzi ta boxa ndlela emananga, ndzi khulukisa milambu etikweni leri omeke.

Pisalema 105:25

Kutani Xikwembu xi pfuxa rivengo etimbilwini ta Vaegipta, va fuma malandza ya Xikwembu hi tihanyi letikulu.

Nehemiya 2:4

Kutani hosi yi ku: “Xana u lava leswaku ndzi ku endlela yini xana?” Hiloko ndzi khongela Xikwembu xa matilo.

Nehemiya 1:11

We HOSI, ndzi kombela leswaku u rhiya ndleve u yingisa xikhongelo xa mina nandza wa wena, u yingisa ni xikhongelo xa malandza ya wena lawa ma tinyungubyisaka hi vito ra wena lero chaviseka. Ndzi kombela leswaku u ndzi katekisa mina nandza wa wena, u endla leswaku namuntlha hosi ya tiko yi ndzi komba tintswalo.” Enkarhini lowu, a ndzi ri mucheri wa vhinyo ya hosi.

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

Esaya 44:27

Ndzi lerisa ni lwandle, ndzi ku: ‘Phyana! Swidziva swa wena, ndzi ta swi omisa!’

Pisalema 93:4

Kambe we HOSI ya le henhla-henhla u tlula hi matimba milambu leyikulu leyi hobomulanaka ni magandlati layo chavisa ya lwandle.

Nhlavutelo 16:12

Ntsumi ya vu-6 yi chululela swa nkambana wa yona enambyeni lowukulu wa Yufrata, kutani mati ya wona ma phya leswaku ndlela ya tihosi leti taka hi le vuxeni yi pfuleka.

Nhlavutelo 16:4

Ntsumi ya vunharhu yi chululela swa nkambana wa yona emilambyeni ni le swihlobyeni swa mati, kutani swi hundzuka ngati.

Pisalema 114:5

We lwandle, xana u tsutsumisa ha yini? Na wena Yordani, i ncini xi ku tlheriselaka endzhaku xana?

Pisalema 114:3

Lwandle ri tsutsumile loko ri va vona, na wona nambu wa Yordani wu tlhelele ndzhaku.

Yeremiya 39:12

“Teka muprofeta, u n'wi hlayisa swinene; u nga tshuki u n'wi xanisa, kambe u n'wi endlela leswi a swi kombelaka.”

Eksoda 7:3

Kambe mina ndzi ta nonon'hwisa mbilu ya Faro, lero hambiloko ndzi andzisa swikombiso ni swihlamariso etikweni ra Egipta,

2 TIHOSI 19:33

Ndlela leyi a teke ha yona, hi yona leyi a nga ta tlhela ha yona. A nga ka a nga ngheni emutini lowu, ku vula mina HOSI,

Ezra 1:1

Hi lembe ro sungula ra ku fuma ka Korexe hosi ya Vaperesi, HOSI Xikwembu xi hetisisa marito ya xona lama vuriweke hi muprofeta Yeremiya, xi nyika Korexe miehleketo yo veka nawu ematikweni ya yena hinkwawo, wu tlhela wu tsariwa kunene; nawu wa kona hi lowu:

Ezra 1:2

“Mina Korexe hosi ya Vaperesi, ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda.

Nehemiya 2:8

Tsalela na Asafu, yena muhlayisi wa swihlahla swa tiko, leswaku a ndzi nyika timhandze to aka ha tona tinyangwa ta makhokholo ya Tempele, ni ta ku aka ha tona rirhangu ra muti, ni to aka yindlu leyi ndzi nga ta tshama eka yona.” Kutani hosi yi ndzi nyika swilo leswi ndzi swi kombeleke, hikuva Xikwembu xa mina a xi ndzi katekisile.

Estere 2:17

Kutani hosi yi rhandza Estere ku tlula vavasati hinkwavo, yi n'wi tsakela ni ku n'wi komba tintswalo ku tlula vanhwana lavan'wana hinkwavo; kutani yi n'wi tlhandleka harhi enhlokweni yi n'wi nyika vunkosikazi ematshan'weni ya Vhasiti.