Swivuriso 20:25 - BIBELE Mahungu Lamanene

²⁵ Swi ni khombo ku tsutsumela ku vula, u ku: “Xilo lexi, ndzi xi nyiketa HOSI Xikwembu!” kutani endzhaku u hundzuluxa miehleketo, eka leswi u tiboheke swona hi ku hlambanya.

Xitsonga (Bibele)

²⁵ I xirimbana eka munhu ku hlawulela Yehovha xilo hi ku hatlisa, Ni ku kanakana loko a tibohile.

Swivuriso 20:25 Referans Kwoze

Matewu 5:33

“Nakambe mi swi twile leswaku ku vuriwile eka lava khale, va te: ‘U nga tshuki u hundzuka eku hlambanyeni ka wena, kambe u ta endla leswi u nga hlambanya swona emahlweni ka Hosi.’

Levhitika 5:15

“Munhu a nga tshuka a dyoha, kambe ku nga ri ha vomu, a rivala ku humesela mina Hosi mihlengo leyo hlawuleka. Munhu wo tano, ú fanele ku humesa rin'wana ra makhuna ya ntlhambi wa yena leri nga solekiki, ra nxavo lowu vekiwaka hi ku ya hi ntiko wa lexi ku pimiwaka ha xona, lexi hlayisiwaka exivandleni lexo hlawuleka; ú ta ta ni khuna leri, ri va gandzelo ro riha nandzu wa yena.

Swivuriso 18:7

Nomo wa xiphunta wu xi vangela khombo, xi tiphasa hi marito ya xona.

Swivuriso 18:13

U nga tsutsumeli ku hlamula mhaka u nga si yi twisisa, hikuva swi nga paluxa ku tsandzeka ka wena, swi ku khomisa ni tingana.

Eklesiasta 5:2

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

Duteronoma 23:22

Loko mi chava ku tiboha hi ku hlambanya, a mi nga vi na nandzu,

Duteronoma 23:23

kambe loko mi tibohile hi n'wexe mi nga sindzisiwanga hi munhu, mi nga tshuki mi tsandzeka ku humesela HOSI Xikwembu leswi mi xi tshembiseke swona.

Duteronoma 23:24

“Loko mi tshuka mi hundza hi le nsin'wini ya vhinya ya munhu-kuloni, mi nga kha mihandzu mi dya mi xurha, kambe mi nga tshuki mi kha yin'wana mi hoxa exirhundzwini.

Vaavanyisi 21:22

Loko vatata wa vona kumbe vamakwavo va ta va ta vilela eka n'wina, mi ta va byela mi ku: ‘Hi kombela leswaku mi hi tshikela vona hi va hlayisa, va va vasati va hina, hikuva a hi va tekanga hi nyimpi; hambi n'wina, a mi na nandzu, hikuva vana va n'wina a mi lo va pfumelela leswaku va tekiwa hi hina va ka Benjamini!’ ”