Swivuriso 2:9 - BIBELE Mahungu Lamanene

⁹ Loko u yingisa, u ta twisisa leswi lulameke, u tiva milawu leyinene ni ntiyiso, u tiva ni hinkwaswo leswi lavekaka,

Xitsonga (Bibele)

⁹ Hi kona u nga ta tiva ku lulama ni mfanelo. Ni ku saseka, ni mikhuva hinkwayo ya leswinene.

Swivuriso 2:9 Referans Kwoze

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Esaya 48:17

Mukutsuri wa n'wina, HOSI Xikwembu, Muhlawuleki wa Israele, ú vurisa sweswo, ú ri: “Hi mina HOSI Xikwembu xa n'wina, lexi xi mi dyondzisaka ku endla leswi swi nga ta mi vuyerisa, ndzi mi komba ni ndlela leyi mi fanelaka ku hanya ha yona.

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Pisalema 119:99

Ndzi tlula vadyondzisi va mina hinkwavo hi ku twisisa timhaka, hikuva ndzi anakanya switsundzuxo swa wena.

Pisalema 32:8

HOSI Xikwembu xi ri: “Ndzi ta ku dyondzisa, ndzi ku komba ndlela leyi u fanelaka ku famba ha yona; ndzi ta ku letela, ndzi nga ka ndzi nga tshiki ku ku lwela.

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Pisalema 119:105

Rito ra wena i rivoningo endleleni ya mina, ni ku vonakala emilengeni ya mina.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

Swivuriso 28:5

Vanhu vo biha timbilu, a va tivi leswi lulameke, kambe lava gandzelaka HOSI Xikwembu, va swi tiva swinene.

Pisalema 25:12

HOSI Xikwembu xi komba munhu loyi a xi chavaka ndlela leyi a fanelaka ku hlawula yona.

Swivuriso 4:12

Loko u famba, u nga ka u nga khuguriwi, ni loko u tsutsuma, u nga ka u nga wi.