Swivuriso 2:20 - BIBELE Mahungu Lamanene

²⁰ Hikokwalaho, khoma ndlela ya vanhu lavanene, u nga hambuki ebuduleni ra lavo lulama;

Xitsonga (Bibele)

²⁰ Hikwalaho, famba hi mitila ya lavanene, U tiyisela endleleni ya lavo lulama.

Swivuriso 2:20 Referans Kwoze

Vaheveru 6:12

A hi lavi leswaku mi va lavo loloha, kambe hi lava leswaku mi fana ni vanhu lava sweswi va kumaka leswi va tshembisiweke swona, hi mhaka ya ku pfumela ka vona ni ku lehisa timbilu.

3 Yohane 1:11

Nakulorhi, u nga tekeleli mikhuva leyo biha, kambe tekelela leyinene. Loyi a endlaka leswinene i wa Xikwembu; loyi a endlaka leswo biha a nga vonanga Xikwembu.

Yeremiya 6:16

HOSI Xikwembu xi vurisa sweswo xi ri: “Yimani emahandzeni ya tindlela mi languta, mi vutisa vanhu magondzo ya khale, ni laha ku nga ni mabudula lamanene, kutani mi famba ha wona, mi kuma ku wisa emoyeni. Kambe vona va ku: ‘A hi swi lavi ku famba hi ndlela yoleyo!’

Swivuriso 13:20

Loyi a tolovelanaka ni lavo tlhariha, wa tlhariha, kambe munghana wa swiphunta, ú ta wela ekhombyeni.

Pisalema 119:115

N'wina mi endlaka leswo biha, hambanani na mina, ndzi ta kota ku hlayisa swileriso swa Xikwembu xanga.

Pisalema 119:63

Ndzi twanana ni hinkwavo lava va ku chavaka, lava hlayisaka swiletelo swa wena.

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Swivuriso 4:11

Budula ra vutlhari, ndzi ku kombile, ndzi ku fambisile etindleleni leto lulama.

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.