Swivuriso 19:9 - BIBELE Mahungu Lamanene

⁹ Mbhoni ya mavunwa yi nge phonyoki, yi ta biwa, munhu wo hemba ú tivangela rifu.

Xitsonga (Bibele)

⁹ Mbhoni yo hemba yi nga ka yi nga huluki ku biwa, Kambe la vulaka mavunwa u ta lova.

Swivuriso 19:9 Referans Kwoze

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Swivuriso 19:5

Mbhoni ya mavunwa yi nge phonyoki, yi ta biwa, munhu wo hemba a nga ka a nga poni.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

Ezekiele 13:22

Vanhu lava va ndzi tshembaka, mi va hetile ntamu hi mavunwa ya n'wina, kasi mina a ndzi lava ku va tiyisa nhlana. Lavo homboloka, mi yimile na vona, leswaku va nga tshiki tindlela ta vona leto biha ni leswaku va nga ponisi vutomi bya vona.

Swivuriso 6:19

ni mbhoni leyi vulavulaka mavunwa ntsena, ni munhu la byalaka rivengo exikarhi ka vamakwavo.

Swivuriso 12:19

Marito ya ntiyiso ma tshama hilaha ku nga heriki, kambe mavunwa a ma tlhaveli hi sana.

Swivuriso 21:28

Vumbhoni bya munhu wa mavunwa byi ta herisiwa, kasi marito ya loyi a yingisaka, ma nge hundzuki ni siku ni rin'we.

Daniele 6:24

Hiloko hosi yi lerisa leswaku ku tisiwa vavanuna lava hehleke Daniele; kutani vona ni vana va vona ni vasati va vona va hoxiwa ekheleni ra tinghala, kutani tinghala ti va tlulela, ti va phatlulela va nga si fika ni le hansi.