Loko u ri emahlweni ka HOSI Xikwembu, miyela u langutela xona; lava humelelaka etindleleni ta vona, kumbe lava endlaka makungu layo biha, u nga tipandzisi nhloko hi vona.
Loko Elixa a ha vulavula na vona, murhumiwa hi byakwe a fika eka Elixa, a ku ka yena: “Makhombo lawa ma vangiwile hi HOSI Xikwembu. Xana ndzi nga ha langutela yini, xo huma eka HOSI Xikwembu, xana?”
hikuva ku tiarisa i xidyoho lexi fanaka ni ku hlahluva, kutani ku ala ku yingisa swi bihile ku fana ni vungoma ni vukhongeri bya hava. Leswi u tshikeke rito ra HOSI Xikwembu, na xona xi ta ku tshika, xi ku tekela vuhosi.”
Kavaloko Samiele a ku ka Sawulo: “Phuphula ndziwena! A wu hlayisanga leswi HOSI Xikwembu xa wena xi ku leriseke swona. Loko onge u swi hlayisile, HOSI Xikwembu a xi ta tiyisa vuhosi bya wena ehenhla ka Vaisraele hilaha ku nga heriki.
Munhu wa xiphukuphuku ú anakanya leswo ka swi nga pfuni nchumu, makungu ya yena i ku endla leswo homboloka ntsena; ú endla leswi lwaka ni ku rhandza ka Xikwembu, a tlhela a xi hembela; a nga chavi ku tshika munhu a fa hi ndlala, kumbe ku tsona la nga ni torha emati.
“N'wina Vaisraele mi tala ku vula leswaku matirhele ya mina HOSI N'wini wa hinkwaswo a ma twali. Ndzi yingiseni! Xana i matirhele ya mani lama nga twaliki xana? I matirhele ya n'wina, ku nga ri ya mina!