Swivuriso 19:28 - BIBELE Mahungu Lamanene

²⁸ Mbhoni leyi hembaka yi onha maavanyisele ya timhaka, emilon'weni ya lavo homboloka, ku pfelela leswo biha ntsena.

Xitsonga (Bibele)

²⁸ Mbhoni ya hava yi sandza ku lulama, Nomu wa vadyohi wu mita ku homboloka.

Swivuriso 19:28 Referans Kwoze

Ntirho 15:16

Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

Ntirho 34:7

Ku hava wanuna wo kota Yobo: Ú fundza mindzhukano enon'weni, onge yo va mati.

Hosiya 4:8

Va kuma vuswa bya vona hi ku dyoha ka vanhu va mina, va navela ngopfu ku va languta va endla leswo homboloka.

Swivuriso 15:14

Munhu loyi a twisisaka, ú lava vutivi, kasi swiphunta swi hanya hi ku vulavula swa vuphukuphuku ntsena.

Pisalema 10:11

Hi mbilu, ú ri: “Xikwembu a xi na mhaka, a xi languti, xi nga ka xi nga swi voni.”

Pisalema 10:5

Leswi a swi endlaka swi tshama swi ri karhi swi nyuka; ku avanyisa ka wena HOSI, ku le henhla ngopfu, laha yena a nga ku voniki; valala va yena wa va nyefula.

1 TIHOSI 21:13

kutani vanhu vambirhi lavo biha timbilu va nghena, va tshama hansi va langutane na Naboto, kutani va n'wi lumbeta exikarhi ka nhlengeletano, va ku: “Naboto ú sandzile Xikwembu ni hosi ya tiko.” Hiloko va khoma Naboto, va n'wi yisa ehandle ka muti, va ya n'wi khandla hi maribye, a fa.

1 TIHOSI 21:10

naswona, mi tshamisa vanhu vambirhi lavo biha timbilu leswaku va langutana na yena, kutani va ta n'wi lumbeta, va vula leswaku ú sandzile Xikwembu ni hosi ya tiko. Kwalaho mi ta n'wi humesela handle, mi ya n'wi khandla hi maribye a ko a fa.”

Swivuriso 19:27

Hiswona n'wananga, u nga ha pfala tindleve loko u dyondzisiwa, kambe tiva leswaku u ta lahlekeriwa hi vutivi lebyi u dyondzisiweke byona.

1 TIHOSI 16:27

Kutani ke, mintirho leyin'wana ya Omri, ni ta vunhenha lebyi a nga tikomba ha byona, swi tsariwile eka “Buku ya Matimu” ya tihosi ta Israele.

Swivuriso 16:27

Loyi a nga pfuniki nchumu, ú luka mano layo biha, leswi humaka enon'weni wa yena, i malangavi ya ndzilo.