Swivuriso 19:23 - BIBELE Mahungu Lamanene

²³ Munhu loyi a chavaka HOSI Xikwembu, ú khome ndlela ya vutomi, kutani ú ta hlayiseka ni makhombo ma nge n'wi humeleli.

Xitsonga (Bibele)

²³ Xichavo xa Yehovha xi yisa evutomini, U ta xurha, a etlela, a nga humeleri hi khombo.

Swivuriso 19:23 Referans Kwoze

Matewu 5:6

Ku katekile lava nga ni ndlala ni torha ra leswo lulama, hikuva va ta xurha.

Swivuriso 12:21

Lowo lulama a nga weli hi khombo, kasi lavo homboloka va rhendzeriwa hi maxangu.

Pisalema 90:14

Hi kombe rirhandzu ra wena ka ha ri mixo, leswaku hi ta tsaka hi ku dzunisa, vutomi bya hina hinkwabyo.

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Swivuriso 10:27

Munhu la chavaka HOSI Xikwembu ú engeteleriwa masiku ya ku hanya, kambe lavo homboloka va hatla va hundza emisaveni.

Pisalema 103:17

Kasi rirhandzu ra HOSI Xikwembu rona a ri ri kona na khale, ra ha ta va kona hilaha ku nga heriki. Xikwembu xi lwela lava va xi chavaka, xi tshembeka ku ya fika eka vatukulu va vona hinkwavo,

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Pisalema 91:16

Ndzi ta engetela malembe ya yena ya ku hanya, kutani ú ta swi vona leswaku hi mina ndzi n'wi ponisaka.”

Pisalema 25:13

Munhu wo tano ú ta tshama emafurheni, ni vana va yena va ta kuma tiko ri va ra vona.

2 Timotiya 4:18

Hosi yi ta ndzi vutla ni le ku biheni hinkwako, yi ndzi ponisa leswaku ndzi ta kuma Mfumo wa yona wa le matilweni. Eka yona a ku ve ku dzuneka hilaha ku nga heriki. Amen.

Pisalema 19:9

ku chava HOSI i mhaka leyinene, leyi nga ta ka yi nga heli; leswi HOSI yi swi bohaka i ntiyiso, swi lulamile hinkwaswo ka swona;

Timhaka 9:31

Enkarhini wolowo, kereke a yi ri ni ku rhula etikweni hinkwaro ra Yudiya, ni ra Galeliya, ni ra Samariya, yi ri karhi yi akisiwa ni ku hanya exichabyeni xa Hosi; kutani a yi andza, yi tiyisiwa hi Moya lowo Kwetsima.

Pisalema 91:10

Hikokwalaho ku hava xo biha lexi nga ta ku humelela, mavabyi a ma nga ngheni emutini wa wena.

Swivuriso 11:19

Loyi a tiyiselaka eku lulameni, ú ta hanya, kambe loyi a landzelelaka leswo biha, ú ya eku loveni.

Swivuriso 19:22

Lexi lavekaka eka munhu, i ku tshembeka, ku va xisiwana, swa antswa, ku ri na ku va munhu wo hemba.

Swivuriso 3:24

Loko u etlele, a ku nga vi na lexi xi nga ta ku chavisa, ni vurhongo byi ta nandziha;

Swivuriso 22:4

Titsongahate, u chava HOSI Xikwembu, kutani u ta kuma rifuwo, ni ku dzuneka, ni vutomi.