Swivuriso 19:20 - BIBELE Mahungu Lamanene

²⁰ Yingisa switsundzuxo, u amukela ni swiletelo, leswaku u ta kuma vutlhari lebyi nga ta ku pfuna eminkarhini leyi taka.

Xitsonga (Bibele)

²⁰ Yingisela ku byeriwa, u amukela ku laya, U ta tlhariha mundzuku.

Swivuriso 19:20 Referans Kwoze

Swivuriso 12:15

Xiphukuphuku xi tivona xi ri endleleni leyo lulama, kasi munhu wo tlhariha ú amukela switsundzuxo.

Swivuriso 4:1

N'wina vana, rhiyani tindleve, mi yingisa swiletelo swa tata wa n'wina, leswaku mi ta tlhariha,

Swivuriso 1:8

N'wananga, yingisa swiletelo swa tata wa wena; ni milawu ya mana wa wena, u nga tshuki u hambana na yona:

Tinhlayo 23:10

Xana i mani la nga hlayaka va ka Yakobo xana? Va tele ku fana ni sava! Ntsengo wa Vaisraele wu nga hlaya hi mani? Va tele ku fana ni ritshuri! Mina swa antswa ndzi tifela ndzi ri karhi ndzi fana ni vanhu lava vo lulama; masiku ya mina ya ku hanya a ma hele ndzi ri karhi ndzi fana na vona.”

Pisalema 90:14

Hi kombe rirhandzu ra wena ka ha ri mixo, leswaku hi ta tsaka hi ku dzunisa, vutomi bya hina hinkwabyo.

Pisalema 37:37

Xiyaxiya lava nga riki na xisandzu, u languta lava lulameke, u ta vona leswaku lava tisaka ku rhula, va ni vatukulu.

Pisalema 90:12

Hikokwalaho hi dyondzise ku hlaya masiku ya ku hanya ka hina, kutani hi ta kuma vutlhari.

Duteronoma 8:16

kwale mananga, xi mi nyikile manna, swi va swakudya swa n'wina leswi vatata wa n'wina va nga swi tivangiki. A xi endlela ku mi tshinya ni ku mi kambela ha swona, leswaku eku heteleleni xi ta mi katekisa.

Duteronoma 32:29

Loko a va tlharihile, a va ta twisisa timhaka leti, a va ta swi vona leswaku va ya eku loveni.

Swivuriso 1:3

swi nyika vanhu swiletelo swa mahanyelo lamanene, va ta tiva leswi lulameke, ni milawu leyinene, ni ntiyiso.

Swivuriso 8:14

Ndzi ni switsundzuxo ni mianakanyo leyinene, ku twisisa ni matimba i swa mina.

Swivuriso 8:33

Yingisani swiletelo, mi ta tlhariha, mi nga tshuki mi swi ba hi makatla.

Swivuriso 19:19

Munhu wa ximbilwa-mbilwana, ú fanele ku riha milandzu ya yena hi yexe, hikuva loko u n'wi pfuna, wa n'wi vanga.

Swivuriso 1:2

Swivuriso swi pfuna vanhu ku tiva vutlhari ni swiletelo, ni ku twisisa marito ya tintlhari,

Swivuriso 13:10

Ku tikurisa, swi vanga madzolonga ntsena, kasi vutlhari i bya lava pfumelaka ku tsundzuxiwa.

Swivuriso 15:32

Munhu loyi a bakanyaka switsundzuxo, wa tidlaya, kasi loyi a yingisaka loko a tshinyiwa, ú engetelela ku twisisa.

Yeremiya 6:8

Wena Yerusalema, amukela ku tshinyiwa; loko swi nga ri tano, ndzi ta ku tshika, ndzi ku hundzula rhumbi, ku nga ha tshami munhu eka wena.”

Sofoniya 3:7

A ndzi anakanya leswaku mi ta ndzi chava, n'wina vanhu va mina, mi pfumela ku tshinyiwa, leswaku vutshamo bya n'wina byi nga herisiwi; kambe minkarhi hinkwayo loko ndzi tikombile ka n'wina, mi hisekerile ku endla mintirho ya n'wina hinkwayo leyo biha.