Swivuriso 19:12 - BIBELE Mahungu Lamanene

¹² Loko hosi yi karihile, yi fana ni nghala leyi bongaka, kasi ku tsakeriwa hi yona, swi fana ni mberha ebyanyini.

Xitsonga (Bibele)

¹² Ku kariha ka hosi ku fana ni ku dzuma ka nghala, Kambe rirhandzu ra yena ri fana ni mberha ebyanyini.

Swivuriso 19:12 Referans Kwoze

Hosiya 14:5

Eka vanhu va tiko ra Israele, ndzi ta fana ni mpfula, va ta hluka va fana ni swiluva, va mila timitsu va tiya ku fana ni ntshava ya Lebanoni.

Swivuriso 20:2

Loko hosi yi karihile, yi chavisa ku fana ni nghala leyi bongaka, loyi a yi hlundzukisaka, ú tivangela rifu.

Swivuriso 28:15

Munhu wo homboloka la fumaka tiko ra swisiwana, ú chavisa kukota nghala leyi bongaka kumbe xinkankanka lexi mpfhumpfhaka.

Pisalema 133:3

Swi fana ni mberha ya Hermoni loko yi wela etintshaveni ta Siyoni, laha HOSI Xikwembu xi katekisaka vanhu xi ri kona, xi va nyika vutomi hilaha ku nga heriki.

Mikiya 5:7

Hinkwavo lava nga masalela ya va ka Yakobo, vona lava rhendzeriweke hi vanhu va matiko layo tala, va ta fana ni mberha leyi humaka eka HOSI Xikwembu, kumbe swimpfulana leswi hlukisaka byanyi, swi nga lerisiwanga hi munhu, leswi swi ngo tinela swi nga komberiwanga hi munhu.

Daniele 6:24

Hiloko hosi yi lerisa leswaku ku tisiwa vavanuna lava hehleke Daniele; kutani vona ni vana va vona ni vasati va vona va hoxiwa ekheleni ra tinghala, kutani tinghala ti va tlulela, ti va phatlulela va nga si fika ni le hansi.

Daniele 5:19

Vanhu hinkwavo va tinxaka-xaka lava vulavulaka tindzimi to hambana-hambana a va rhurhumela emahlweni ka yena, hikwalaho ka vukulukumba bya yena. A a ri ni matimba ya ku dlaya vanhu ni ku va tshika va hanya, ni ku va tlakusa kumbe ku va tsongahata hilaha a rhandzaka hakona.

Eklesiasta 8:4

Rito ra hosi a ri kanetiwi, ku hava loyi a nga yi vutisaka, a ku: “U endla yini xana?”

Pisalema 72:6

Mufumi wa tiko a a fane ni mpfula leyi nelaka swimila; a a fane ni swimpfulana leswi tsutsuxaka kunene.

Estere 7:8

Loko hosi yi vuya hi le ntangeni wa muti wa yona, yi nghena laha a ku nwiwa vhinyo kona, nkarhi lowu Hamani a tiwiselaka exitshan'wini lexi Estere a a hleyamile a ri eka xona. Kutani hosi yi ku: “Xana munhu loyi ú lava ni ku tlimbeleta nkosikazi kwala mahlweni ka mina, endlwini ya mina xana?” Loko hosi ya ha ku vula sweswo, va khubumeta nhloko ya Hamani.

2 SAMIELE 23:4

ú fana ni ku vonakala nimixo, loko dyambu ri tlhava hi siku ro pfumala mapapa: Ku phatima ka rona, loko mpfula yi nile, swi hlukisa byanyi bya rihlaza emisaveni!’

Genesa 27:28

Xikwembu a xi ku wisele mberha yi huma ematilweni, xi ku nyika ni misava leyi noneke, ni mavele ni vhinyo leyo tala.

Duteronoma 33:28

Hikokwalaho, Vaisraele va tshamile hi ku hlayiseka, vatukulu va Yakobo va tshamisekile, etikweni ra mavele ni vhinya, laha mberha ya le tilweni yi welaka kona.

Esaya 18:4

hikuva HOSI Xikwembu xi ndzi byerile xi ku: “Ndzi ta languta matiko ndzi ri evutshan'wini bya mina, ndzi timiyelerile ku fana ni ku hisa ka dyambu hi ximumu, kumbe mberha leyi waka enkarhini wa xirimo.

Estere 1:12

Kambe loko vatsheniwa va fikisile xileriso xa hosi, nkosikazi Vhasiti a ala ku ya. Kutani hosi yi hlundzuka, yi pfurha hi vukari.