Swivuriso 18:7 - BIBELE Mahungu Lamanene

⁷ Nomo wa xiphunta wu xi vangela khombo, xi tiphasa hi marito ya xona.

Xitsonga (Bibele)

⁷ Nomu wa xihunguki i ku onhaka ka xona, Kambe ririmi ra xona i ntlhamu eka moya wa xona.

Swivuriso 18:7 Referans Kwoze

Swivuriso 13:3

Munhu loyi a nga vulavuriki ngopfu, ú hlayisa vutomi bya yena, kasi loyi a phyaphyarhaka, ú weriwa hi khombo.

Swivuriso 12:13

Loyi a biheke mbilu, ú phasiwa hi marito ya yena layo homboloka, kambe la lulameke wa pona ekhombyeni.

Swivuriso 10:14

Lavo tlhariha va tihlayisela vutivi, kambe loko xiphukuphuku xi jakatseka, khombo ri le kusuhi.

Pisalema 140:9

Endla leswaku marito layo biha ya lava va ndzi hembelaka, ma vuya hi vona.

Pisalema 64:8

Va ta tiphasa hi ku vulavula ka vona, kutani vanhu lava va nga ta va vona, va ta hlakahla tinhloko;

Swivuriso 6:2

u tiphasile hi ku vulavula ka wena, marito ya wena ma ku wisele entlhan'wini.

Swivuriso 10:8

Munhu wa miehleketo wa twa loko a tsundzuxiwa, kambe xihanya-nomo xona xi ta ya eku loveni.

Vaavanyisi 11:35

Kuteloko Yefta a n'wi vona, a handzulela swiambalo swa yena, a ku: “Yo n'wananga, u ndzi dlele! U ndzi vangele khombo lerikulu, hikuva ndzi tshembisile HOSI Xikwembu hi ku hlambanya, kutani ndzi nge swi koti ku tlhelela endzhaku eka leswi ndzi swi vuleke hi nomo wa mina!”

Swivuriso 18:8

Marito ya muhlevi, a hi ku tsokombela ka wona, ma hatla ma nghena, ma fika emakorhweni ya mbilu.

Swivuriso 5:22

Milandzu ya munhu wo biha yi dlayisa yena n'winyi, ú phasiwa hi ntlhamu wa swidyoho swakwe,

Swivuriso 14:3

Ku vulavula ka xiphukuphuku ku xi nghenisa etimhakeni, kasi marito ya lavo tlhariha ma va sirhelela.

Swivuriso 16:22

Loyi a nga ni vutlhari, ú ni xihlovo xa vutomi, kambe swiphukuphuku swi biwa hikwalaho ka vuphukuphuku bya swona.