Swivuriso 18:24 - BIBELE Mahungu Lamanene

²⁴ Vanhu vo tala va nga tiendla vanghana va wena, kambe exikarhi ka vona, i un'we ntsena loyi a ku rhandzaka kukota makwenu.

Xitsonga (Bibele)

²⁴ La nga ni vanakulobye lavo tala u ta va ni khombo, Kambe ku ni nakulobye la tlulaka makwavo.

Swivuriso 18:24 Referans Kwoze

Swivuriso 17:17

Loyi a nga nakuloni, wa ku rhandza minkarhi hinkwayo, loko u ri ekhombyeni, i makwenu wa xiviri.

Swivuriso 27:9

Mafurha ni mirhi ya risuna, a hi ku tsakisa ka swona, swi tano ni switsundzuxo leswi humaka embilwini ya munghana wa wena.

2 SAMIELE 1:26

We makwerhu Yonatani, mbilu ya mina yi vavisekela wena ngopfu; a wu ndzi tsakisa swonghasi! Rirhandzu ra wena a ri ndzi nandzihela, ku tlula ni ra vavasati.

2 SAMIELE 21:7

Leswi Davhida a a tibohile eka Yonatani n'wana Sawulo hi ku hlambanya emahlweni ka HOSI Xikwembu, a nga nyiketanga n'wana Yonatani Mefiboxete ntukulu wa Sawulo.

2 SAMIELE 16:17

Kutani Abixalomu a ku ka Huxayi: “Xana loku hi kona ku tshembeka ka wena eka nakuloni Davhida, xana? Hikwalaho ka yini u nga fambanga ni nakuloni loyi wa wena, xana?”

Swivuriso 27:10

Vanghana va wena ni vanghana va tata wa wena, u nga va tshiki; u nga tikarhati hi ku ya emutini wa makwenu hi siku ra khombo, hikuva makwenu la nga kule, ú tlula hi munhu loyi u vandzakaneke na yena.

1 SAMIELE 18:1

Loko Sawulo a hetile ku vulavula na Davhida, Yonatani a titwa a ri ni moya wun'we na Davhida, a n'wi rhandza kukota loko a tirhandza.

1 SAMIELE 18:3

Kutani Yonatani a endla xinakulobye na Davhida, hikuva a a n'wi rhandza kukota loko a tirhandza.

2 SAMIELE 15:21

Kambe Itayi a hlamula a ku: “Ndza hlambanya emahlweni ka HOSI Xikwembu lexi hanyaka, ni le mahlweni ka wena hosi n'wini wanga, ndzi ri: Hinkwako lomu wena hosi n'wini wanga u nga ta ya kona, laha ku nga ni ku tsaka ni laha ku nga ni ku fa, mina nandza wa wena ndzi ta va kona.”