Swivuriso 18:2 - BIBELE Mahungu Lamanene

² Xiphunta a xi tikarhateli ku twisisa mhaka, xo lava ntsena ku tivulavulela swa xona.

Xitsonga (Bibele)

² Lexi tsakisaka xihunguki a hi ku fuwa vutlhari, Kambe i ku humesa leswi nga embilwini ya xona.

Swivuriso 18:2 Referans Kwoze

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Swivuriso 12:23

Munhu loyi a nga ni vutivi, a nga tikombi, kasi swiphunta swi paluxa vuphukuphuku bya swona.

Swivuriso 17:16

Xiphunta xi nga va ni mali yo hakelela vutlhari, kambe swi nge xi pfuni nchumu, hikuva a xi na miehleketo.

Swivuriso 13:16

Loyi a ehleketaka, a nga welaweli swilo, kambe xiphunta xi paluxa vuphukuphuku bya xona.

1 Vakorinto 8:1

Hi mhaka ya swakudya leswi humeseriwaka swikwembu swa hava, hi tala ku vula leswaku hi ni vutivi hinkwerhu. Kambe vutivi byo tano byi nyika munhu ku tikurisa, kasi rirhandzu ra aka.

Eklesiasta 10:3

Phuphula hambi ri nga famba endleleni a ri tivi mafambele, ri tikomba eka hinkwavo leswaku a ri tlharihanga.

Vafilipiya 1:15

Van'wana kunene va twarisa Kriste hi moya wa mavondzo ni vuntswaka; kambe van'wana va swi endla hi timbilu leti baseke;

1 Vakorinto 14:12

Swi tano na n'wina: Leswi mi navelaka ku chivirikela tinyiko ta Moya, endlani hi matimba ku tirhisa leti pfunaka ku aka swirho swa nhlengeletano.

Matewu 8:34

Kutani vanhu va muti hinkwawo va huma ku ya hlangana na Yesu; loko va n'wi vonile, va n'wi kombela hi matimba leswaku a suka etikweni ra vona.

Swivuriso 1:22

“N'wina lavo-ke-mano, mi ta pfumala vutivi ku fikela rini ke? Vasandzi va ta tshika rini ku sandza, ni swiphunta swi ta venga ku twisisa ku fikela rini ke?

Swivuriso 18:3

Ku biha mbilu, swi vitana ku sandziwa, ku endla swa tingana, swi vangela ndzhukano.