Swivuriso 18:18 - BIBELE Mahungu Lamanene

¹⁸ Mhaka ya vanhu va matimba lava lwetanaka, yi nga tsemiwa hi ku hoxa vuhlolotwana.

Xitsonga (Bibele)

¹⁸ Vuhlolotwana byi herisa timholovo, Byi avanyisa ni lavakulu.

Swivuriso 18:18 Referans Kwoze

Swivuriso 16:33

Vanhu va nga vutisa timhaka hi ku hoxa vuhlolotwana, kambe nhlamulo, yi tiva hi HOSI Xikwembu ntsena.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

1 TIKRONIKA 24:31

Varhangeri lava va mindyangu ya ka Levhi a va hlawula masiku ya vona ya ku ya entirhweni wa Tempele hi ku hoxa vuhlolotwana, ku fana ni vamakwavo va ka Aroni; na wona masiku ya tindzisana ta vona ma hlawuriwile hi ndlela yeleyo, emahlweni ka hosi Davhida, na Sadoki, na Ahimeleke, ni varhangeri van'wana va mindyangu ya vaprista ni ya Valevhi.

1 TIKRONIKA 6:63

Va ka Merari va averiwile miti ya 12 hi vuhlolotwana, exikarhi ka vanhu va tinyimba ta Rhuveni, na Gadi, na Zebuloni.

1 SAMIELE 14:42

Kutani Sawulo a lerisa a ku: “Hlawulani hi vuhlolotwana exikarhi ka mina ni n'wana wa mina Yonatani.” Kutani byi komba Yonatani.

Yoxuwa 14:2

Ndzhaka ya vona va va averile hi ku tirhisa vuhlolotwana, hilaha HOSI Xikwembu xi leriseke Muxe hakona leswaku a avela tinyimba ta Israele ta 9 ni hafu.

Swivuriso 18:17

Munhu loyi a rhangaka a boxa mhaka ya yena, ú vonaka a vulavula ntiyiso, ku kondza ku humelela loyi a n'wi kanetaka.

Swivuriso 18:19

Ku pfuna makwenu i ku tiakela rirhangu, kasi ku holova na yena i ku pfala khokholo, u sala ehandle.

1 SAMIELE 14:41

Kutani Sawulo a khongela HOSI Xikwembu, a ku: “We Xikwembu xa Israele, [hikwalaho ka yini u nga ndzi hlamulanga namuntlha, mina nandza wa wena. Loko nandzu wa kona wu ri na mina kumbe n'wana wa mina Yonatani, a ku hume ‘Urimi’, we HOSI Xikwembu xa Israele. Kambe loko nandzu wu ri ni tiko ra wena ra Israele,] a ku hume ‘Thumimi’.” Kutani vuhlolotwana byi komba Yonatani na Sawulo, lavan'wana va pona.