Swivuriso 18:16 - BIBELE Mahungu Lamanene

¹⁶ Loyi a nga ni swa le mandleni, wa tsakeriwa, hambi va ri lava mavito, va n'wi amukela.

Xitsonga (Bibele)

¹⁶ Nyiko ya munhu yi n'wi anamisela ndlela, Yi n'wi tshinetela eka lavakulu.

Swivuriso 18:16 Referans Kwoze

Swivuriso 19:6

Vanhu vo tala va rhandza ku tsakeriwa hi lava va nga ni swa le mandleni, un'wana ni un'wana ú lava ku va munghana wa loyi a hananaka.

Genesa 43:11

Kutani tata wa vona Yakobo a ku ka vona: “Hiswona, leswi timhaka ti yimeke hi ndlela leyi, endlani leswi: Longani swilo swo saseka leswi kumekaka kwala tikweni, mi rhwala mi famba na swona, mi ya nyika nkulukumba luya. Tekani mirhi ya nkoka ni ya risuna ya tinxaka-xaka, ni vulombenyana, ni mihandzu ya murhi wa alimondi.

Swivuriso 17:8

Van'wana va ehleketa leswaku mali yo pfala nomo i xitshungulo, va tshemba leswaku va ta humelela hinkwako lomu va yaka kona.

1 SAMIELE 25:27

Nyikonyana leyi mina nandza wa wena ndzi ku tiselaka yona, wena n'wini wanga, hi leyi, u ta phamela majaha lawa u famba-fambaka na wona hinkwako, we n'wini wanga.

Genesa 33:10

Yakobo a ku: “E-e, loko u ndzi amukela hakunene, ndzi kombela leswaku u teka tinyiko leti ndzi ku nyikaka tona. Leswi ndzi voneke mombo wa wena, swi fana ni loko ndzi vonile mombo wa Xikwembu, hikuva u ndzi amukerile hi malwandla.

Genesa 32:20

Mi tlhela mi ku: ‘Yakobo nandza wa wena wa karhi wa ta.’ ” Yakobo a a ehleketa leswaku u ta tsakisa Esawu hi tinyiko leti a a ti rhangisile, kutani yena hi xiviri ú ta ya vonana na Esawu endzhaku, hikuva a a ku: “Kumbexana ú ta ndzi amukela.”

Swivuriso 21:14

Loko munhu a karihile, n'wi rhulise mbilu hi ku n'wi nyika nyiko exihundleni; loko a hlundzukile ngopfu, rheleta vukari bya yena hi nyiko.

1 SAMIELE 16:20

Yese a rhumela Davhida eka Sawulo, a famba na ximbutana, ni mbhongolo leyi rhweleke swinkwa, ni nkwama wa dzovo wo tala vhinyo.

Swivuriso 18:17

Munhu loyi a rhangaka a boxa mhaka ya yena, ú vonaka a vulavula ntiyiso, ku kondza ku humelela loyi a n'wi kanetaka.

2 TIHOSI 5:5

Hosi ya Vasiriya yi hlamula yi ku: “U nga longa; naswona ndzi ta ku nyika papila, u famba na rona eka hosi ya Israele.” Hiloko Naamani a longa mali ya tisilivhere ta kwalomu ka 36 000, ni mali ya nsuku ya 6 000, ni swiambalo swo ncinca swa khume, a suka a famba.