Swivuriso 17:3 - BIBELE Mahungu Lamanene

³ Nsuku ni silivhere swi kamberiwa hi ndzilo, timbilu ta vanhu tona ti kamberiwa hi HOSI Xikwembu.

Xitsonga (Bibele)

³ Xirhengele i xa ntsopfu ni swa nsuku, Kambe la ringetaka timbilu, i Yehovha.

Swivuriso 17:3 Referans Kwoze

Esaya 48:10

Vonani, ndzi mi kamberile hi ku mi hoxa endzilweni wa maxangu, ku fana ni loko va basisa silivhere hi ku yi n'okisa, kambe ndzi kuma leswaku a mi basanga.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Pisalema 26:2

We HOSI, ndzi kambele u ndzi xiyaxiya, kambela leswi nga mbilwini ya mina ni le miehleketweni ya mina.

Swivuriso 27:21

Nsuku ni silivhere swi kamberiwa hi ndzilo, munhu ú kamberiwa hi ku duma ka yena.

1 Petro 1:7

Miringo leyi yi endla leswaku ku pfumela ka n'wina, loku tlulaka nsuku hi nkoka, ku vonaka ku tiyile. Nsuku, hambileswi wu ringetiwaka hi ndzilo, wa onhaka; kambe ku pfumela ka n'wina, loko ku tiyile, ku ta mi tisela ku dzunisiwa ni ku twarisiwa ni ku fundzhiwa, siku Yesu Kriste a humelelaka.

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

Pisalema 66:10

We Xikwembu, tani hileswi silivhere yi basisiwaka hi ndzilo, na hina u hi kamberile u hi basisa hi ndlela yoleyo.

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Pisalema 139:23

Ndzi kambisise we HOSI, u vona leswi nga mbilwini yanga. Ndzi kambele, kutani u ta tiva leswaku ndzi anakanya yini.

Swivuriso 15:11

Leswi HOSI Xikwembu xi vonaka ni leswi swi nga hansi, exivandleni xa vafi, xana xi nga tsandza hi yini ku vona leswi nga timbilwini ta vanhu xana?

Swivuriso 17:2

N'wana wa mahanyelo yo khomisa tingana, ú ta fumiwa hi nandza la tlhariheke, ndzhaka leyi a a ta avelana ni vamakwavo, yi ta kuma hi nandza wa kona.

Ezekiele 22:18

“Swi tive we Ezekiele, Vaisraele va hundzuke thyaka emahlweni ka mina; va fana ni leswi salaka endzilweni, loko ku n'okisiwa koporo ni thini ni nsimbhi ni ntsopfu; va fana ni thyaka leri salaka loko va n'okisa silivhere.

Daniele 11:35

Hambileswi van'wana exikarhi ka varhangeri va nga ta dlayiwa, rifu ra vona ri ta pfuna ku basisa lavo tala exikarhi ka Vaisraele leswaku va va lava tengeke, loko ka ha yimeriwa siku ra makumu hikuva rona ri ta va ri nga si fika.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Duteronoma 8:16

kwale mananga, xi mi nyikile manna, swi va swakudya swa n'wina leswi vatata wa n'wina va nga swi tivangiki. A xi endlela ku mi tshinya ni ku mi kambela ha swona, leswaku eku heteleleni xi ta mi katekisa.

Ntirho 23:10

Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

Ntirho 28:1

Hakunene, ku kona laha silivhere yi kumekaka kona, yi kona ndhawu leyi nsuku wu hlunguhliwaka eka yona.

Swivuriso 16:2

Hinkwaswo leswi munhu a swi endlaka, ú swi vona swi tengile, kambe HOSI Xikwembu xi kambela miehleketo ya yena.

Swivuriso 21:2

Hinkwaswo leswi munhu a swi endlaka, ú swi vona swi lulamile, kambe HOSI Xikwembu xi kambela mbilu ya yena.