Swivuriso 17:27 - BIBELE Mahungu Lamanene

²⁷ Loyi a pimaka marito ya yena loko a vulavula, ú ni vutivi, munhu wo twisisa, ú kota ku tikhoma.

Xitsonga (Bibele)

²⁷ La tikhomaka emaritweni u tiva ku tlhariha, La tisivaka nomu u ni ku twisisa.

Swivuriso 17:27 Referans Kwoze

Yakobo 3:18

Kutani mihandzu ya hanyelo leri lulameke yi huma eka mbewu leyi nga byariwa hi ku rhula, hi vanhu lava tirhaka mintirho ya ku rhula.

Yakobo 1:19

Tivani leswi, vamakwerhu lava rhandzekaka: Munhu un'wana ni un'wana a a hatlise ku twa, a hlwela ku vulavula, a hlwela ku kariha.

Swivuriso 14:29

Munhu loyi a kotaka ku tiyisela swilo, ú twisisa ngopfu, kasi munhu wa ximbilwa-mbilwana, u nyanya ku paluxa vuphukuphuku bya yena.

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

Yakobo 3:2

Hina hinkwerhu hi ni swihoxo leswo tala, kambe loko munhu a nga hoxi eku vulavuleni ka yena, munhu yoloye ú hetisekile, wa swi kota ku fuma miri wa yena hinkwawo.

Swivuriso 15:28

Munhu wo lulama, ú sungula a ehleketa a nga si hlamula, kasi emilon'wini ya lavo homboloka, ku khuluka manyala ntsena.

Eklesiasta 9:17

Marito yo hola lama vuriwaka hi munhu wo tlhariha, ma tlula marito lama huweleriwaka hi hosi ya swiphunta.

Swivuriso 16:32

Loyi a hlwelaka ku hlundzuka, ú tlula nghwazi, munhu la kotaka ku tikhoma, ú tlula loyi a hlulaka miti.