Swivuriso 17:17 - BIBELE Mahungu Lamanene

¹⁷ Loyi a nga nakuloni, wa ku rhandza minkarhi hinkwayo, loko u ri ekhombyeni, i makwenu wa xiviri.

Xitsonga (Bibele)

¹⁷ Munghana wa munhu wa n'wi rhandza hi masiku; I makwavo emakhombyeni.

Swivuriso 17:17 Referans Kwoze

Swivuriso 18:24

Vanhu vo tala va nga tiendla vanghana va wena, kambe exikarhi ka vona, i un'we ntsena loyi a ku rhandzaka kukota makwenu.

1 SAMIELE 20:17

Kutani a tlhela a kombela Davhida ku hlambanya leswaku wa n'wi rhandza, hikuva Yonatani yena a a rhandza Davhida tanihi loko a tirhandza.

Swivuriso 19:7

Leswi xisiwana xi nyenyiwaka ni hi vamakwavo wa xona, xana vanhu ntsena, vona, va nga tshinerisa ku yini kusuhi na xona ke? Loko xi lava ku vulavula na vona, vo hambana na xona.

1 SAMIELE 18:3

Kutani Yonatani a endla xinakulobye na Davhida, hikuva a a n'wi rhandza kukota loko a tirhandza.

Vaheveru 2:11

Hambi a ri Yesu loyi a basisaka vanhu eswidyohweni, hambi va ri lava basisiwaka, hinkwavo va huma eka Tatana un'we. Hi yona mhaka leyi endlaka leswaku Yesu a nga khomiwi hi tingana ku va vula vamakwavo,

Rhuti 1:16

“U nga ndzi sindzisi ku ku tshika empfhukeni kumbe ku ku fularhela”, ku hlamula Rhuti. “Laha u yaka kona, ndzi ta ya kona na mina. Lomu u nga ta tshama kona, ndzi ta tshama kona na mina. Rixaka ra wena ri ta va rixaka ra mina, naswona Xikwembu xa wena xi ta va Xikwembu xa mina.

Estere 4:14

hikuva loko u miyela hi nkarhi wo kota lowu, ku ntshunxeka ni ku ponisiwa ka Vayuda ku ta ta ku huma kun'wana, kambe wena ni varikwenu mi ta lova. Nakona swi tiviwa hi mani, kumbexana u tele nkarhi wo kota lowu kwala vuhosini?”

2 SAMIELE 1:26

We makwerhu Yonatani, mbilu ya mina yi vavisekela wena ngopfu; a wu ndzi tsakisa swonghasi! Rirhandzu ra wena a ri ndzi nandzihela, ku tlula ni ra vavasati.

1 SAMIELE 23:16

Yonatani n'wana Sawulo a suka a ya eka Davhida le Horexe, a ya n'wi khongotela leswaku a tiyisela a tshemba Xikwembu.

1 SAMIELE 19:2

kutani a ya n'wi hlevela a ku: “Tata wa mina Sawulo ú ni makungu ya ku ku dlaya. Hikokwalaho, mundzuku loko ri xa, tivonele swinene, u tshama endhawini yin'wana, u tumbela kona.

2 SAMIELE 15:21

Kambe Itayi a hlamula a ku: “Ndza hlambanya emahlweni ka HOSI Xikwembu lexi hanyaka, ni le mahlweni ka wena hosi n'wini wanga, ndzi ri: Hinkwako lomu wena hosi n'wini wanga u nga ta ya kona, laha ku nga ni ku tsaka ni laha ku nga ni ku fa, mina nandza wa wena ndzi ta va kona.”

1 SAMIELE 19:3

Kutani mina ndzi ta huma na tatana, hi ya yima kusuhi ni laha u nga ta va u tumberile kona emasin'wini. Ndzi ta ku khongelela eka yena, kutani loko ndzi vonile hilaha timhaka ti yimeke hakona, ndzi ta ku tivisa.”

Swivuriso 16:28

Munhu wa mbilu yo biha, ú pfuxa madzolonga, loyi a hlevaka, ú lwisa vanghana.

Swivuriso 19:13

N'wana wo tiarisa, ú nghenisa tata wakwe etimhakeni; ku va ni nsati wo kariha, i ku tshama ndlwini yo pfuta yi nga yimi.