Swivuriso 17:12 - BIBELE Mahungu Lamanene

¹² Ku hlangana ni ntswele ya xinkankanka leyi tekeriweke vana, swa antswa, ku ri ni ku hlangana ni xiphunta ni swa vuphukuphuku bya xona.

Xitsonga (Bibele)

¹² Ku hlangana ni bere leyi tekeriweke vana va yona, Ku tlula ku hlangana ni xihunguki eku hlanyeni ka xona.

Swivuriso 17:12 Referans Kwoze

Hosiya 13:8

Ndzi ta va bvanganyeta ku fana ni ntswele ya xinkankanka leyi yiveriweke vana va yona, ndzi va phatlulela swifuva, ndzi va pfotlosela ku fana ni nghala ya nkati, ndzi va handzulela ku fana ni xivandzana.

2 SAMIELE 17:8

Huxayi a engeta a ku: “Wa swi tiva leswaku tata wa wena ni masocha ya yena i vanhu va matimba, ni leswaku va leva ku fana ni ntswele ya xinkankanka leyi tekeriweke vana va yona enhoveni. Naswona, tata wa wena i munhu loyi a tivaka swa tinyimpi; a nga ka a nga etleli ndhawu yin'we ni masocha ya yena.

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Swivuriso 28:15

Munhu wo homboloka la fumaka tiko ra swisiwana, ú chavisa kukota nghala leyi bongaka kumbe xinkankanka lexi mpfhumpfhaka.

Swivuriso 27:3

Maribye ni sava, a hi ku tika ka swona, kambe ku pfukeriwa hi xiphukuphuku, swi tika ku tlula sweswo.

2 TIHOSI 2:24

Elixa a hundzuluka, a languta swifanyetana leswi, a swi holovela hi vito ra HOSI Xikwembu. Hi nomu lo, swinkankanka swimbirhi swa mantswele swi huma hi le xihlahleni, swi kavatlulela swifanyetana swa 42.

Swivuriso 17:11

Munhu wo biha mbilu, ú tiyela ku tiarisa ntsena, hikokwalaho, ú tivangela ku rhumeriwa munhu wa tihanyi.

Swivuriso 29:9

Loko munhu wo tlhariha a tengisana ni xiphukuphuku, xona xo ba huwa xi tlhela xi hleka, mhaka yi nga heli.