Swivuriso 17:11 - BIBELE Mahungu Lamanene

¹¹ Munhu wo biha mbilu, ú tiyela ku tiarisa ntsena, hikokwalaho, ú tivangela ku rhumeriwa munhu wa tihanyi.

Xitsonga (Bibele)

¹¹ Munhu wa lunya u ni ximonyo, Kambe u ta rhumeriwa ntsumi ya tihanyi.

Swivuriso 17:11 Referans Kwoze

2 SAMIELE 18:15

kutani majaha ya khume lama rhwalelaka Yowabu matlhari, ma rhendzela Abixalomu, ma n'wi tlhavetela a fa.

1 TIHOSI 2:46

Kavaloko hosi Solomoni a rhuma Benaya n'wana Yoyada, kutani Benaya a suka a ya juma Ximeyi, a n'wi dlaya. Kutani vuhosi byi tiya swinene emavokweni ya Solomoni.

Luka 19:27

Loko va ri valala va mina lava nga lavangiki leswaku ndzi va fuma, va tiseni kwala, mi va dlaya emahlweni ka mina.’ ”

Matewu 22:7

Kwalaho hosi yi kariha, yi rhuma mavuthu ya yona ku ya lovisa vadlayi valavo ni ku hisa muti wa vona.

Matewu 21:41

Va hlamula Yesu va ku: “Ú ta lovisa vanhu lavo biha lava va hela; nsimu ya vhinya, ú ta yi veka emavokweni ya vatirhi van'wana lava nga ta n'wi nyika mihandzu hi nguva ya kona.”

1 TIHOSI 2:31

Hosi Solomoni a hlamula a ku: “Endla hilaha a vuleke hakona, n'wi jume u n'wi dlaya, u n'wi lahlela kona kwalaho; u ta va u ndzi kutsurile, mina ni ndyangu wa tatana, enandzwini wa ngati leyi Yowabu a yi halateke ehandle ka nandzu.

2 SAMIELE 20:22

Leswi wansati loyi a a tlharihile, a ya vulavula ni vanhu va muti hinkwavo; kutani va tsema nhloko ya Xeba n'wana Bikri, va yi hoxa eka Yowabu ehandle. Hiloko Yowabu a ba mhalamhala, kutani vanhu va Yuda va suka emutini, va hangalaka, un'wana ni un'wana a tlhelela ekaya ka yena. Yowabu yena a tlhelela eka hosi Davhida eYerusalema.

2 SAMIELE 20:1

A ku ri ni munhu wa ka Benjamini loyi a a nga pfuni nchumu, loyi a va ku i Xeba n'wana Bikri; o tshuka a humelela le Giligala, a chaya nanga, a ku: “Erixakeni ra Davhida, ku hava lexi nga xa hina. A hi na ndzhaka erixakeni ra n'wana Yese. Tlhelelani emakaya n'wina hinkwenu, vavanuna va Israele!”

2 SAMIELE 18:19

Kutani Ahimaasi n'wana Sadoki a ku ka Yowabu: “Ndzi kombela ku tsutsuma ndzi ya vikela hosi Davhida emahungu lawa, ndzi n'wi tivisa leswaku HOSI Xikwembu xi n'wi ponisile emavokweni ya valala va yena.”

2 SAMIELE 15:12

Loko Abixalomu a ri karhi a humesa magandzelo, a rhuma vanhu va ya emutini wa Gilo, va ya vitana Ahitofele, loyi a a ri un'wana wa vatsundzuxi va hosi Davhida. Ahitofele a a tshama emutini wolowo. Makungu ya ku vanga vuhosi a ma ya emahlweni swinene, kutani ntlawa wa lava seketelaka Abixalomu a wu ya wu kula.

Swivuriso 17:10

Munhu loyi a twisisaka, ú hatla ku twa loko a tshinyiwa, kasi xiphunta, hambi xo himeteriwa ka dzana, a xi twi.

Swivuriso 17:12

Ku hlangana ni ntswele ya xinkankanka leyi tekeriweke vana, swa antswa, ku ri ni ku hlangana ni xiphunta ni swa vuphukuphuku bya xona.

Swivuriso 24:21

N'wananga, chava HOSI Xikwembu ni tihosi, u nga twanani ni lava tisaka mpfilumpfilu,