Swivuriso 16:8 - BIBELE Mahungu Lamanene

⁸ Ku va ni swilo switsongo leswi u swi kumeke hi tindlela letinene, swi tlula ku va ni xuma lexo tala lexi u xi kumeke hi tindlela leto biha.

Xitsonga (Bibele)

⁸ Rifuwo leri tsanana leri nga ni ku lulama, Ri tlula ku bindzula ka xuma xo tala lexo homboloka.

Swivuriso 16:8 Referans Kwoze

Swivuriso 15:16

Xisiwana lexi chavaka HOSI Xikwembu, xi fumile ku tlula loyi a nga ni xuma lexo tala, lexi n'wi pfumataka vurhongo.

Pisalema 37:16

Leswitsanana leswi munhu wo lulama a nga na swona, swi tlula rifuwo ra vanhu vo tala lavo homboloka;

Yeremiya 17:11

Munhu loyi a kumaka rifuwo hi ndlela yo homboloka, ú fana ni n'hwari leyi fukamelaka matandza lama nga riki ya yona; rifuwo ra kona a ri nga hlweli ku dzudzeka, eku heteleleni ú ta hundzuka xiphukuphuku.

Mikiya 6:10

Xana ndzi nga rivalela lavo homboloka lava tataka tindlu ta vona hi swilo leswi va swi kumeke hi tindlela to homboloka, lava tirhisaka mimpimo leyi nga riki yona, yi nga leyi ndzi yi vengaka, xana?

Swivuriso 16:7

Munhu loyi HOSI Xikwembu xi tsakelaka vutomi bya yena, xi endla leswaku hambi va ri valala va yena, va hanyisana na yena hi ku rhula.

Swivuriso 16:9

Munhu a nga endla makungu ya lomu a yaka kona, kambe HOSI Xikwembu hi xona xi nga ta n'wi komba ndlela.

Eklesiasta 4:6

Xandla xin'we xa munhu wo rhula, xi tlula swimbirhi swa mugingiriki, la hlongorisaka moya.

Swivuriso 15:17

Ku dya miroho ni lava va ku rhandzaka, swi tlula ku dya nyama yo nona ni lava va ku vengaka.

Swivuriso 17:1

Ku dya rikoko ra xilondza laha ku nga ni ku rhula, swi tlula ku dya mafehlefehle emutini wa madzolonga.

Swivuriso 28:6

Xisiwana lexi hanyaka hi ku tshembeka, xi tlula n'wankumi loyi a nga ni mikhuva yo biha.