Swivuriso 16:5 - BIBELE Mahungu Lamanene

⁵ HOSI Xikwembu xi nyenya un'wana ni un'wana loyi a tikurisaka, munhu wo tano a nge poni, ú ta biwa hakunene.

Xitsonga (Bibele)

⁵ Munhu un'wana ni un'wana la tikurisaka hi mbilu, i manyala eka Yehovha; Kunene u ta biwa, a nga ka a nga poni.

Swivuriso 16:5 Referans Kwoze

Swivuriso 11:21

Lowo homboloka a nge poni, ú ta biwa hakunene! Kambe lava lulameka va ta pona.

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Yakobo 4:6

Hambiswiritano, xi hi komba tintswalo leti nga tikulu ku tlula sweswo, hikuva Tsalwa ri ri: “Xikwembu xi alela vatikurisi, kambe xi tsetselela lava titsongahataka.”

Ntirho 40:12

Xiyaxiya lava titshembaka, u va yisa hansi, u kandziyela lavo homboloka lomu va nga kona.

Esaya 3:11

Lavo homboloka va le khombyeni! Vutomi byi ta va tikela, va ta tshovela leswi va swi byaleke.

Eksoda 20:7

“U nga tshuki u tlanga hi vito ra mina, hikuva mina HOSI Xikwembu xa wena ndzi nga ka ndzi nga tshiki ku ba loyi a tlangaka hi vito ra mina.

Swivuriso 6:29

Swi tano ni le ka munhu loyi a etlelaka ni nsati wa un'wana; un'wana ni un'wana loyi a khumbaka nsati wa muakelani, a nge poni.

Swivuriso 16:4

Hinkwaswo leswi HOSI Xikwembu xi swi tumbuluxeke, swi ni lomu swi kongomeke kona, hambi va ri lavo homboloka, va kongoma esikwini ra khombo.

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.

Yeremiya 13:15

Rhiyani ndleve mi yingisa, mi nga tikurisi, hikuva la vulavulaka i HOSI Xikwembu.

Esaya 2:11

Esikwini ra kona, vanhu va manyunyu va ta tsongahatiwa, lava tidzunisaka va ta nyumisiwa, HOSI Xikwembu hi xona ntsena xi nga ta dzunisiwa.

Esaya 2:12

HOSI ya matimba hinkwawo yi na rona siku leri yi nga ta ba lava titshembaka ni ku tidzunisa, yi tsongahata ni lava tikurisaka.