Swivuriso 16:33 - BIBELE Mahungu Lamanene

³³ Vanhu va nga vutisa timhaka hi ku hoxa vuhlolotwana, kambe nhlamulo, yi tiva hi HOSI Xikwembu ntsena.

Xitsonga (Bibele)

³³ Va hoxa vuhlolotwana engubyeni, Kambe lexi vuriwaka hi byona xi huma eka Yehovha.

Swivuriso 16:33 Referans Kwoze

Swivuriso 18:18

Mhaka ya vanhu va matimba lava lwetanaka, yi nga tsemiwa hi ku hoxa vuhlolotwana.

Timhaka 1:26

Hiloko va hlawula musivi hi ku hoxa vuhlolotwana, kutani byi komba Matiyasi; kavaloko a hlayiwa swin'we ni vaapostola lava khume na un'we.

Yonasi 1:7

Hiloko vatluti va byelana va ku: “Tanani, a hi hoxeni vuhlolotwana, hi ta tiva leswaku muvangi wa khombo leri i mani.” Va hoxa, kutani vuhlolotwana byi komba Yonasi.

Swivuriso 29:26

Vanhu vo tala va lava ku tsakeriwa hi tihosi, kambe i HOSI Xikwembu ntsena lexi avanyiselaka munhu timhaka ta yena.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

Yoxuwa 18:10

Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

Yoxuwa 18:5

Va ta avanyisa tiko hi swiphemu swa 7; va ka Yuda va ta ya emahlweni va tshama endhawini ya vona ya le dzongeni, ni va ka Yosefa endhawini ya vona ya le n'walungwini.

Yoxuwa 7:14

Mundzuku nimpundzu, mi ta xaxametiwa hi tinyimba ta ka n'wina, kutani nyimba leyi mina Hosi ndzi nga ta yi hlawula yi ta xaxamela hi mindyangu ya yona; kutani ndyangu lowu ndzi nga ta wu hlawula, wu ta xaxamela hi tindlu ta wona; kutani vanhu va yindlu leyi ndzi nga ta yi hlawula, va ta xaxamela ha un'we-un'we.

1 SAMIELE 10:19

A engeta a ku: “Kambe namuntlha mi fularherile Xikwembu xa n'wina, lexi xi mi poniseke emakhombyeni ne maxangwini ya n'wina hinkwawo, mi phikelela mi ku: ‘E-e! Hi vekele hosi leyi nga ta hi fuma!’ Sweswi ke, hlengeletanani hi tinyimba ta n'wina ni mindyangu ya n'wina emahlweni ka HOSI Xikwembu.”

Swivuriso 16:32

Loyi a hlwelaka ku hlundzuka, ú tlula nghwazi, munhu la kotaka ku tikhoma, ú tlula loyi a hlulaka miti.

Ezekiele 21:21

Hosi ya le Babilona yi yimile emahandzeni ya tindlela leti; yi le ku hlahluveni, yi lava ku tiva leswaku yi ta famba hi kwihi: Yi hoxa vuhlolotwana hi miseve, yi vutisa ha yona ku rhandza ka swikwembu swa yona, yi kambisisa ni swivindzi swa swifuwo swa magandzelo.

Levhitika 16:8

Kutani Aroni ú ta hlawula xin'we xa swiphongho hi ku hoxa vuhlolotwana, leswaku xi humeseriwa mina HOSI, lexin'wana xi hlawuleriwa Azazele hi byona vuhlolotwana.

Vaavanyisi 20:9

Kutani hi ta endla leswi: Hi ta hoxa vuhlolotwana hi hlawula lava nga ta ya hlasela muti wa Gibeya.