Swivuriso 16:17 - BIBELE Mahungu Lamanene

¹⁷ Gondzo ra lavo lulama ri papalata leswo biha, hinkwavo lava fambaka eka rona, va ponisa vutomi bya vona.

Xitsonga (Bibele)

¹⁷ Gondzo ra lavo lulama, i ku fularhela swo biha, La hlayisaka moya wa yena u xiya mafambele ya yena.

Swivuriso 16:17 Referans Kwoze

Esaya 35:8

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Swivuriso 19:16

Loyi a hlayisaka nawu, ú hlayisa vutomi bya yena, loyi a solaka switsundzuxo, ú tivangela rifu.

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

Yuda 1:21

Tshamani erirhandzwini ra Xikwembu. Langutelani musa wa Hosi ya hina Yesu Kriste lowu yisaka evutomini lebyi nga heriki.

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.

Timhaka 24:16

Hikokwalaho ndzi ringeta hi matimba, masiku hinkwawo, ku kumeka ndzi ri la ntshunxekeke eripfalweni ra mina, emahlweni ka Xikwembu ne mahlweni ka vanhu.

Timhaka 10:35

kambe, ematikweni hinkwawo, loyi a xi chavaka a vuya a endla leswi lulameke, xa n'wi tsakela.

Matewu 24:13

Kambe loyi a tiyiselaka ku fika makumu, hi yena loyi a nga ta ponisiwa.

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Swivuriso 4:23

Hlayisa mbilu ya wena ku tlula swilo hinkwaswo, hikuva hi xona xihlovo xa vutomi.

Swivuriso 21:23

Loyi a hlawulaka marito loko a vulavula, ú papalata makhombo.

Swivuriso 22:5

Ndlela ya munhu wa mahanyelo yo gombonyoka, yi ni mitwa ni mintlhamu, loyi a hlayisaka vutomi bya yena, wa swi papalata.