Swivuriso 16:12 - BIBELE Mahungu Lamanene

¹² Emahlweni ka tihosi, swa yila ku endla leswo biha, hikuva vuhosi byi tiyisiwa hi leswo lulama.

Xitsonga (Bibele)

¹² I manyala eka tihosi ku endla leswi nga lulamangiki, Hikuva xitshamo xa vuhosi xi tiyisiwa hi ku lulama.

Swivuriso 16:12 Referans Kwoze

Swivuriso 25:5

ni le mahlweni ka hosi, susa lavo homboloka, kutani vuhosi bya yona byi ta tiya hikwalaho ka leswo lulama.

Luka 12:48

kambe loyi a nga ku tiviki, kutani a tshuka a endlile leswi faneriwaka hi ku biwa, ú ta biwa kutsongo. Un'wana ni un'wana la nyikiweke leswo tala, ku ta laviwa leswo tala eka yena; ni loyi vanhu va n'wi fuyiseke leswo tala, ku ta laveka leswo tala ngopfu eka yena.

Swivuriso 29:14

Hosi leyi avanyisaka xisiwana hi ku lulama, vuhosi bya yona byi ta tshama hilaha ku nga heriki.

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Nhlavutelo 19:11

Endzhaku ka swona, ndzi vona tilo ri pfuriwile, kutani, hi nomu lo, ku vonaka hanci yo basa. Loyi a gadeke yona, mavito ya yena va ri i “Mutshembeki”, ni “Ntiyiso”. Ú avanyisa ni ku lwa hi ku lulama.

Swivuriso 20:18

Makungu ma tiya hi switsundzuxo, ni nyimpi yi lwiwa hi swiletelo swa vutlhari.

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Duteronoma 25:16

Hinkwavo lava dyelelaka van'wana hi mimpimo leyi nga riki yona, HOSI Xikwembu xa n'wina xa va venga.

Swivuriso 16:13

Tihosi ti tsakela lava vulavulaka ntiyiso, ti rhandza lava vulaka leswi nga swona.

2 TIKRONIKA 17:5

kutani HOSI Xikwembu xi katekisa mfumo wa yena. Vanhu hinkwavo va tiko ra Yuda a va n'wi tisela ndzuvo; rifuwo ra yena a ri kurile swinene, vanhu va n'wi xixima swinene.

Swivuriso 29:4

Hi ku landzelela milawu leyinene, hosi yi tiyisa tiko ra yona, kambe loko yi tsakela mali ntsena, ya ri lovisa.