Swivuriso 16:10 - BIBELE Mahungu Lamanene

¹⁰ Leswi hosi ya tiko yi vulaka swona, yi lo hlavuteriwa, loko yi tsema mhaka, a yi hoxi.

Xitsonga (Bibele)

¹⁰ Ku bvumbha ku le milon'wini ya hosi; Nomu wa yona a wu hoxi eku avanyiseni ka timhaka.

Swivuriso 16:10 Referans Kwoze

Genesa 44:15

Yosefa a ku ka vona: “I mhaka muni leyi mi yi endleke xana? Xana a mi swi tivi leswaku ndzi munhu la kotaka ku femba xana?”

Genesa 44:5

Xinwelo lexi, hi xona n'wini wa mina a nwaka ha xona, naswona ú tirhisa xona loko a vhumbha. Leswi mi swi endleke, swi bihile!’ ”

Amosi 5:7

Mi ni khombo, n'wina mi dyisaka vanhu mbitsi hi ku tshika milawu leyo lulama, n'wina mi alaka ku avanyisa hi ndlela leyinene.

Hosiya 10:4

Leswi va swi vulaka a swi humi etimbilwini ta vona; loko va endla mintwanano, va tshembisa swilo leswi va nga ta ka va nga swi endli. Hikokwalaho, maavanyisele ya vona ya timhaka ma bihile, ma fana ni nhova leyi dlayaka swimilana emasin'wini.

1 TIHOSI 3:28

Vanhu hinkwavo va Israele va twa hilaha hosi yi avanyiseke mhaka leyi hakona, kutani va chava Solomoni, hikuva a va swi vona leswaku ú ni vutlhari bya Xikwembu eku avanyiseni ka timhaka.

Amosi 6:12

Xana mi tshama mi vona tihanci ti tsutsumisiwa emaribyeni, kumbe munhu a rima lwandle hi tihomu, xana? Kambe n'wina mi hundzuluxile ku avanyisa lokunene ku va mhondzo, mi dyisile vanhu mbitsi hi ku tshika ku lulama.

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

2 TIKRONIKA 26:16

Kuteloko Uziya a vona leswaku mfumo wa yena wu tiyile, a ngheniwa hi moya wa ku tikurisa, a nga ha tshembeki eka HOSI, Xikwembu xa yena, kutani a tivangela khombo lerikulu: Siku rin'wana a nghena eTempeleni ya HOSI Xikwembu, a ya hisa mirhi ya risuna alitarini ya kona.

2 SAMIELE 14:16

hosi yi ta ndzi yingisa, yi ndzi lamulela emavokweni ya munhu loyi a lavaka ku herisa vutomi bya mina ni bya n'wana wa mina, a hi susa laha tikweni leri ri nga ndzhaka ya Xikwembu.’

Swivuriso 29:4

Hi ku landzelela milawu leyinene, hosi yi tiyisa tiko ra yona, kambe loko yi tsakela mali ntsena, ya ri lovisa.