Swivuriso 15:8 - BIBELE Mahungu Lamanene

⁸ Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Xitsonga (Bibele)

⁸ Magandzelo ya lavo biha i manyala eka Yehovha, Kambe u tsakisiwa hi xikhongelo xa vanhu vo lulama.

Swivuriso 15:8 Referans Kwoze

Swivuriso 15:29

HOSI Xikwembu a xi tshineli kusuhi ni lavo homboloka, kambe swikhongelo swa lavo lulama, xa swi hlamula.

Swivuriso 21:27

Magandzelo ya munhu wo homboloka, HOSI Xikwembu xa ma venga, ngopfu-ngopfu loko a ma humesa a ri ni xikongomelo xo biha.

1 TIKRONIKA 29:17

Ndza swi tiva leswaku wena Xikwembu xanga, u kambela mbilu ya munhu, u lava leswaku a hanya hi ndlela leyi lulameke. Mina ndzi humesile tinyiko hi mbilu yo basa, kutani vanhu lava yimeke emahlweni ka wena va ndzi tsakisile loko na vona va ku humesela tinyiko va tsakile.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Esaya 61:8

HOSI Xikwembu xi ri: “Mina HOSI, ndzi rhandza ku lulama; lava tekelaka van'wana swa vona ni ku endla leswo homboloka, ndza va venga. Vanhu va mina, a ndzi nga va tsoni hakelo ya vona, ndzi ta endla na vona ntwanano lowu nga ta va kona hilaha ku nga heriki.

Yohane 4:24

Xikwembu i moya; kutani lava xi gandzelaka, va fanele ku xi gandzela hi moya ni ntiyiso.”

Eklesiasta 5:1

Loko u kongoma eTempeleni, u fanele ku tivonela swinene; xikongomelo xa wena a ku ve ku yingisa ntsena, ku nga ri ku humesa magandzelo kukota swiphunta, hikuva swona a swi tivi nchumu, loko ku nga ri ku dyoha ntsena.

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Pisalema 17:1

We HOSI, twana ntiyiso wa mhaka, rhiya ndleve, u twa xirilo xa mina; yingisa xikhongelo xa mina, hikuva xi huma enon'weni lowu nga riki na vuxisi.

Levhitika 7:18

Loko nyama leyi nga ta va ya ha sele hi siku ra vunharhu, yo dyiwa, loyi a humesaka magandzelo ya kona ya xinakulobye a nge nkhensiwi, swi ta tekiwa wonge a nga humesanga nchumu; sweswo swa yila, loyi a dyaka nyama ya kona ú ta va a tivangele nandzu.

Swivuriso 10:24

Lowo biha ú teriwa hi swilo leswi a swi chavaka ngopfu, kambe lavo lulama va nyikiwa leswi va swi navelaka.

Swivuriso 15:7

Loko munhu wo tlhariha a vulavula, ú haxa vutivi, kasi emiehleketweni ya swiphunta a ku humi nchumu!

Swivuriso 21:3

HOSI Xikwembu xi tsakela ku lulama ni maavanyisele lamanene, ku tlula ku humeseriwa magandzelo.

Mikiya 6:7

Xana HOSI Xikwembu xi nga tsakela ku tlhaveriwa makhuna ya madzana-dzana, kumbe ku humeseriwa mafurha lama nga tataka ni milambu ya ntsandza-vahlayi xana? Xana hi nga humesa magandzelo hi vana va hina va mativula, leswaku HOSI Xikwembu xi hi rivalela ku tiarisa ka hina ni swidyoho swa hina, xana?”

Hagayi 2:14

Hiloko Hagayi a ku: “HOSI Xikwembu xi vula sweswo xi ri, swi tano eka vanhu lava ni le ka rixaka leri. Swi tano ni le ka mintirho ya vona hinkwayo. Eka mina, hinkwaswo leswi va ndzi gandzelaka ha swona, swi nyamisiwile.

2 SAMIELE 15:12

Loko Abixalomu a ri karhi a humesa magandzelo, a rhuma vanhu va ya emutini wa Gilo, va ya vitana Ahitofele, loyi a a ri un'wana wa vatsundzuxi va hosi Davhida. Ahitofele a a tshama emutini wolowo. Makungu ya ku vanga vuhosi a ma ya emahlweni swinene, kutani ntlawa wa lava seketelaka Abixalomu a wu ya wu kula.

1 TIHOSI 3:10

Xikombelo lexi xa Solomoni xi tsakisa ngopfu HOSI Xikwembu.

Pisalema 141:2

Xikhongelo xa mina a xi fane ni mirhi ya risuna leyi hisiwaka emahlweni ka wena. Loko ndzi khongela ndzi tlakusile mavoko, a swi fane ni magandzelo lama humesiwaka nimadyambu.

Daniele 9:23

Enkarhini lowu u yiseke xirilo xa wena eka Xikwembu, Xikwembu xi humesile rito, kutani ndzi tele ku ta ku tivisa rona. Tiva leswaku Xikwembu xa ku tsakela swinene; hikokwalaho ringeta ku twisisa rito ra xona, u kuma nhlamuselo ya xivono.

Mikiya 6:6

Vanhu va vutisa va ku: “Xana HOSI Xikwembu xa le henhla-henhla, xi lava ku humeseriwa yini loko hi ya emahlweni ka xona hi ya xi gandzela xana? Xana hi fanele ku xi humesela magandzelo lama hisiwaka, hi xi tlhavela swinkuzana swa lembe rin'we, xana?

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.