Swivuriso 15:5 - BIBELE Mahungu Lamanene

⁵ Xiphukuphuku xi sandza swiletelo swa tata wa xona, kambe loyi a pfulekeke miehleketo, ú pfumela ku tshinyiwa.

Xitsonga (Bibele)

⁵ Xihunguki xi monya dyondzo ya tata wa xona, Kambe la yingiselaka ku layiwa wa tlhariha.

Swivuriso 15:5 Referans Kwoze

Swivuriso 13:18

Loyi a alaka ku layiwa, ú tivangela vusiwana ni tingana, kasi loyi a pfumelaka ku tshinyiwa, wa dzunisiwa.

Swivuriso 13:1

N'wana la tlhariheke ú yingisa swiletelo swa tata wa yena, kasi musandzi a nga twi ku tshinyiwa.

Swivuriso 19:20

Yingisa switsundzuxo, u amukela ni swiletelo, leswaku u ta kuma vutlhari lebyi nga ta ku pfuna eminkarhini leyi taka.

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

Tito 1:13

Kunene leswi a swi vuleke swi tiyile. Hikokwalaho wena u fanele ku va tshinya hi matimba, leswaku va ta va ni ku pfumela loku hanyaka,

1 TIKRONIKA 28:20

Davhida a engeta a byela Solomoni n'wana wa yena, a ku: “Tiya swinene n'wananga, u nga kanakani, u nghena entirhweni; naswona u nga chavi, u nga heli mbilu, hikuva HOSI Xikwembu, xona Xikwembu xa mina, xi ta va na wena. A xi nga ku tshiki, a xi nga ku rivali, u kondza u heta ntirho hinkwawo, u lulamisa hinkwaswo leswi nga ta tirhisiwa eTempeleni.

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Swivuriso 10:1

Swivuriso swa Solomoni hi leswi: N'wana la tlhariheke, ú tsakisa tata wa yena, kambe la tiarisaka i nhlomulo eka mana wa yena.

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Swivuriso 1:23

Yingisani, ndzi mi laya mina vutlhari, ndzi lombeni tindleve ndzi mi tsundzuxa, ndzi mi byela leswi nga mbilwini ya mina.

Pisalema 141:5

Loko munhu wo lulama a ndzi ba ni ku ndzi tshinya hi rirhandzu, eka mina i mafurha layo nun'hwela, ndzi nge ali ku cheriwa wona enhlokweni; kambe ndza ha ta khongela ndzi lwa ni mintirho ya lavo homboloka.

Swivuriso 25:12

Swiletelo swa vutlhari, eka munhu loyi a swi yingisaka, swi fana ni xingwavila xa nsuku, kumbe vuhlalu bya nkoka.

Swivuriso 15:4

Marito yo tsakisa i murhi lowu nyikaka vutomi, kasi lama khunguvanyisaka ma heta matimba.

Swivuriso 15:6

Emutini wa lowo lulama, ku ni rifuwo lero tala, kasi xuma xa lowo homboloka xa hangalasiwa.

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!