Swivuriso 15:28 - BIBELE Mahungu Lamanene

²⁸ Munhu wo lulama, ú sungula a ehleketa a nga si hlamula, kasi emilon'wini ya lavo homboloka, ku khuluka manyala ntsena.

Xitsonga (Bibele)

²⁸ Mbilu ya la lulameke yi anakanya a nga si hlamula, Kambe milomu ya lavo biha yi humesa swo biha!

Swivuriso 15:28 Referans Kwoze

1 Petro 3:15

Etimbilwini ta n'wina, kombisani xichavo eka Kriste, leswi a nga Hosi; masiku hinkwawo tilunghiseleni ku tihlamulela eka un'wana ni un'wana loyi a mi vutisisaka ehenhla ka ku tshemba loku mi nga na kona,

Swivuriso 29:11

Xiphunta xi hatla xi komba ku khunguvanyeka ka xona, kambe munhu wo tlhariha wa tiyisela, ú kota ku tikhoma.

Eklesiasta 5:2

U nga hatlisi ku vulavula, u nga tsutsumeli ku va ni rito emahlweni ka Xikwembu, hikuva xona xi le matilweni, kasi wena u laha misaveni, hikokwalaho, chava ku tata marito.

Swivuriso 15:2

Ku vulavula ka munhu wo tlhariha, ku nandzihisa vutivi, kambe milomo ya swiphunta yi khapa vuphukuphuku.

Matewu 12:34

“N'wina rixaka ra timhiri, mi nga swi kotisa ku yini ku humesa marito lamanene, leswi mi nga lavo biha ke? Nomo wu vula leswi mbilu yi teleke swona.

Eklesiasta 5:6

U nga pfumeleri nomo wa wena wu ku wisela eku dyoheni. U nga kanetani ni muprista, u ku: “Ndzi hlambanyile hi xihoxo!” Xikwembu xi nga ku twa xi ku hlundzukela, xi onha ntirho wa mavoko ya wena.

Swivuriso 29:20

Xiphunta xa antswa, ku ri na munhu wo tsutsumela ku hlamula timhaka.

Swivuriso 16:23

Munhu wa miehleketo ú kota ku vulavula hi vutlhari, a khorwisa van'wana hi marito ya yena.

Swivuriso 13:16

Loyi a ehleketaka, a nga welaweli swilo, kambe xiphunta xi paluxa vuphukuphuku bya xona.

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

2 Petro 2:18

Va tlakusa rito ni ku tidzunisa ngopfu hi swilo swa hava; hi ku navela loko biha ka swa manyala swa laha misaveni, va phasa vanhu lava va ha ku ponaka emavokweni ya valahleki.

Pisalema 59:7

Twana! Milomo ya vona yi humesa nhlambha ntsena, marito ya vona ma tlhava kukota tlhari, va ehleketa leswaku ku hava loyi a nga va twaka.

Swivuriso 10:32

Munhu la lulameke ú vulavula leswi nga swona, kasi lavo homboloka va vulavula mavunwa ntsena.