Swivuriso 15:25 - BIBELE Mahungu Lamanene

²⁵ HOSI Xikwembu xi mbundzumuxa miti ya lava tikurisaka, kambe xi sirhelela noni ni swilo swa yona.

Xitsonga (Bibele)

²⁵ Yehovha u mbundzuxa yindlu ya lava tikurisaka, Kambe u tiyisa ndzilakana ya nsimu ya noni.

Swivuriso 15:25 Referans Kwoze

Pisalema 146:9

HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

Swivuriso 23:10

U nga tshuki u hundzuluxa mindzilekana leyi vekiweke khale, kumbe ku tekela swisiwana masimu ya swona,

Swivuriso 14:11

Yindlu ya munhu wo homboloka yi ta hahluriwa, kasi dladla ra munhu wo tshembeka ri ta katekisiwa.

Swivuriso 12:7

Lavo homboloka va wela makumu, va nyamalala, kasi miti ya lavo lulama ya tiya.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Daniele 5:20

Kambe kuteloko a sungurile ku tikurisa ni ku tiomisa nhloko ni ku tivona ngopfu, ú tsongahatiwile, a susiwa exitulwini xa yena xa vuhosi, a tekeriwa ku dzuneka ka yena,

Esaya 2:12

HOSI ya matimba hinkwawo yi na rona siku leri yi nga ta ba lava titshembaka ni ku tidzunisa, yi tsongahata ni lava tikurisaka.

Pisalema 138:6

Hambileswi xi fumaka hinkwaswo, xi anakanya lava titsongahataka, kambe lava tikurisaka xi va vona va ha ri kule.”

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Pisalema 52:5

Kambe Xikwembu xi ta ku herisela makumu, xi ta ku wisa, xi ku humesa emutini wa wena, xi ta ku tsuvula u suka etikweni ra lava hanyaka.

Duteronoma 19:14

“Etindhawini leti ti nga ta va ndzhaka ya n'wina, etikweni leri HOSI Xikwembu xa n'wina xi mi nyikaka rona, mi nga tshuki mi hundzuluxelana mindzilekana leyi vekiweke hi lava khale.

Pisalema 52:1

We nhenha, wo tidzunisa ntsena hi mintirho ya wena leyo biha, hikuva rirhandzu ra Xikwembu ri na mina masiku hinkwawo!

Swivuriso 15:26

HOSI Xikwembu xi nyenya miehleketo ya lavo homboloka, kambe emahlweni ka xona, marito lama tsakisaka, ma tengile.

Ntirho 24:21

“Vanhu lava va xanisa wansati la nga mhika, noni, va ala ku yi pfuna.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Esaya 1:17

dyondzani ku endla leswinene, mi tikarhatela leswo lulama; tshinyani lava tshikelelaka van'wana, mi sirhelela lava pfumalaka vatswari mi lwela ni tinoni.”

Yeremiya 5:28

naswona va phemeka hi ku nyuhela, va tlhela va vangama. Mintirho ya vona leyo biha yi tlula mpimo; loko va tsema timhaka a va landzeleli nawu. Swisiwana a va na mhaka na swona, tifanelo ta vapfumari a va ti sirheleli.