Swivuriso 15:2 - BIBELE Mahungu Lamanene

² Ku vulavula ka munhu wo tlhariha, ku nandzihisa vutivi, kambe milomo ya swiphunta yi khapa vuphukuphuku.

Xitsonga (Bibele)

² Nomu wa lavo tlhariha wu nandzihisa ku tiva, Kambe nomu wa swihunguki wa humesa vuhunguki.

Swivuriso 15:2 Referans Kwoze

Swivuriso 12:23

Munhu loyi a nga ni vutivi, a nga tikombi, kasi swiphunta swi paluxa vuphukuphuku bya swona.

Swivuriso 15:28

Munhu wo lulama, ú sungula a ehleketa a nga si hlamula, kasi emilon'wini ya lavo homboloka, ku khuluka manyala ntsena.

Swivuriso 13:16

Loyi a ehleketaka, a nga welaweli swilo, kambe xiphunta xi paluxa vuphukuphuku bya xona.

Esaya 50:4

HOSI N'wini wa hinkwaswo ú ndzi endlile la tivaka ku vulavula, leswaku ndzi kota ku khongotela lava heleke matimba. Masiku hinkwawo ú ndzi pfuxa nimixo, a ndzi pfula tindleve, ndzi ta kota ku twa leswi a ndzi dyondzisaka swona.

Swivuriso 16:23

Munhu wa miehleketo ú kota ku vulavula hi vutlhari, a khorwisa van'wana hi marito ya yena.

Swivuriso 15:23

Munhu wa tsaka loko a hlamurile mhaka hi ndlela leyi nga yona; a hi ku nandziha ka swona ku vula rito leri faneleke hi nkarhi wa kona!

Pisalema 59:7

Twana! Milomo ya vona yi humesa nhlambha ntsena, marito ya vona ma tlhava kukota tlhari, va ehleketa leswaku ku hava loyi a nga va twaka.

Pisalema 45:1

Mbilu ya mina yi tala hi marito yo saseka swinene, kutani ndzi suma risimu ro dzunisa mufumi wa tiko; ririmi ra mina ri rhetela ku fana ni voko ra mutsari la tivaka ntirho wa yena.

Swivuriso 15:7

Loko munhu wo tlhariha a vulavula, ú haxa vutivi, kasi emiehleketweni ya swiphunta a ku humi nchumu!

Eklesiasta 5:3

Ku tirha ngopfu, swi vangela milorho, xiphunta xi tikomba hi ku jakatseka.

Eklesiasta 10:14

Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Swivuriso 5:2

loko u endla tano, u ta va ni mianakanyo leyinene, enon'wini wa wena, vutivi byi ta hlayiseka.